Read Uab Meto SIT PULES 46 Bible Online

SIT PULES 46 - Uab Meto bible

SIT PULES 46

¹Sit Pules Nai Korah in anah sin. Neu atopu sit sin. Nok sit Alamot.

²Uisneno nane hit aneot ahafot ma hit abe'it; In naloitan ma antuntaku kit anbi nukat in nanan.

³Es nanet hit mes ka tamtau fa maski nak pah pinan an nainun, ma tubu sin anleman anbi tasi tnanan;

⁴maski nak tasi namaun ma an oik, ma tubu sin na'tai natuin in anpesen.

⁵Anmu'i noe mese in a'sain le neki halinat neu Uisneno in sonaf, bale Uisneno Amnanut Afin-finit natua anbine.

⁶Uisneno natua anbine ma kot nane mes ka namle'u fa; In mes antuntaku nani leka manas naton in pinan.

⁷Uisneno In to'as on a'lotos, es nanet pah pinan namnoe; ale pah-pah na'tai ma, sin pah anmaisana.

⁸UISNENO Akuasat Afinit In nok kit, Nai Yakub In Uisneno naneo ma nahafo kit.

⁹Aim ma amkiso sa' le UISNENO anmepu; In mepu nane neki amkakat neu pah pinan.

¹⁰In nasnasab makenat anbi pah pinan ok-oke, In na'ipu nani klaot ma suni, ma In notu nani ben aninit sin.

¹¹In nakua a'an nak, “Misnasab makenat, mihin nai, Au Uisneno, Kau, au abe'it Kau anbi pah-pah, ma Au amatanit Kau, anbi pah pinan funam natef.”

¹²UISNENO Akuasat Afinit nokan kit, Nai Yakub in Uisneno naneo ma nahafo kit.