Read Uab Meto SIT PULES 47 Bible Online

SIT PULES 47 - Uab Meto bible

SIT PULES 47

¹Sit Pules na'ko Nai Korah in anah sin. Neu atopu sit sin.

²Ampasa nimam ma mimlil nai, hoi ale pah-pah! Pules Uisneno nok abaf!

³Natuin UISNENO nane Anesit Afinit, Kesel Amnanut le naplenat pah pinan funam natef.

⁴In es anbe'u ale pah-pah neu kit, In es naiti kit anfani ana' aplenat neu uf-uf anbi pah-pah.

⁵In es anbeti pah pusak neu kit, anfani halinat neu pah le In anek nani.

⁶Uisneno antunon anbi In toko' plenat, nok sit a'baf ma to'is in hanan.

⁷Amsi sit pules neu Uisneno, amsi sit pules neu hit Kesel!

⁸Uisneno nane Kesel neu pah pinan funam natef. Pules minaeb In meki sit amasat.

⁹Uisneno antunon anbi In toko' knino, In naplenat ale pah-pah.

¹⁰Ale atopus pah-pah nabua anfanin to Uisneno le Nai Abraham na'usi nani. Natuin Uisneno nane Kesel neu ale kesel, In amasat ma apinat kun.