Read Uab Meto SIT PULES 49 Bible Online

SIT PULES 49 - Uab Meto bible

SIT PULES 49

¹Sit Pules na'ko Nai Korah in anah sin. Neu atopu sit sin.

²Mitnin nai, hoi ale pah-pah, amtahan hi lukem, hoi ale atokos anbi pah pinan,

³leko a'baut ai a'naet, leko anukat ma amu'it.

⁴Au he uton ki uab halinat, na'ko au tenab sin.

⁵Au mes apanat uab ne, ma au uton ki in nesan nok bae' heo.

⁶Au ka umtau fa leka au bi nukat, ma leka au musu sin anfun natef nan kau.

⁷Sin nafnek nok neu sin amaus, ma na'naebon natuin sin amu'in.

⁸Namneo-namneo kan mu'i fa atoni mese he nafetin in aon bian, ai anbaen hen soinan na'ko Uisneno.

⁹Ale sa' le in anfe nani; mes ka noka fa natuin smanaf,

¹⁰nane in maupa nes kun, he nati' in nafetin na'ko maten nabal-bal.

¹¹Kahaf, fun in mes nit neu atoni ahinet anmate. Atoni amonot amsa' anmate, ma nabeno' in mu'in neu atoni bian.

¹²Sin mes nabal nate naukel talantia nabal-bal; sin mes na'maika' piut, maski nak anbi ahunut sin anmu'i afu naek.

¹³Mansian kan monif piut anbi athoes; in mes anmate amsa' onle' mu'it.

¹⁴Atoni le nafnek neu in monin onane, ma atoni le anmalin natuin in uab sin in monin onan amsa'.

¹⁵Sin maleka nalali he nati' anmate onle' bibi kase; ma le' mes anfani atukus neu sin. Atoni amneot mes nis sin anbi nok-noka; sin aok sin mes nafon anbi atoni amates sin balan, ma na'lo na'ko bale tua' amasat.

¹⁶Mes Uisneno mes nafetin kau, ma In mes nafetin kau na'ko maten in kuasat.

¹⁷Kais mimtau leka atoni mese nabua amaus, ma in mu'in nane ansato ma nao piut.

¹⁸Natuin tabu in anmate in mes ka neki fa sa'-sa', mes ka nasanut fa in amaus nok in anbi nopu in nanan.

¹⁹Leka atoni mese natef nok alekot anbi in monin, ma atoni mes antek in natuin in alekot,

²⁰mes in mes natuin in na'i sin amsa' neu bale mes'okan tal nabal-bal.

²¹Mansian mes kan moni fa piut anbi in athoes, mes in mes anmate amsa' onle' mu'it.