Read Uab Meto SIT PULES 50 Bible Online

SIT PULES 50 - Uab Meto bible

SIT PULES 50

¹Sit Pules Nai Asaf. UISNENO Akuasat Afinit, nakua a'an; In nak neu pah pinan anfun ma natef na'ko neno saen talantia neno tesan.

²Na'ko Sion, kot amasat, Uisneno natonon neki In apinat.

³Uisneno ansanu nem ma kan ta' fa, ai pinan nahunun In, ma anin slutuf anfun natef In.

⁴In no'en neno tunan ma pah pinan he nati' ansaksi In, fun in hen lef In to sin lasi.

⁵In nakua a'an nak, “Mibua ale Au to, le anfutun nalali fef bela nok Kau, ma namepan nalali neki fua lolot.”

⁶Neno tunan naton nak Uisneno anlefi In to, sin lasi ma In anmes kun anfani on alef lasi.

⁷“Amnen nai, hoi Au to ki, Au he ukua au a'ak, Israel, Au he saksi neu ki; Au le i Uisneno, le hi Uisneno.

⁸Ka natuin fa hi fuat Au ubokan ki; hi fu mnotu nane anbi Au matak piut.

⁹Ai ka aiti' fa hi bijae molo na'ko hi o'of, ai bibi na'ko hi mu'it sin;

¹⁰natuin ale mu'it anbi nasi nanan nane Au ini, ma mu'it nifun-nifun abit tubu nane au ini amsa', ma ale amonit anbi mnela hufui ok-oke.

¹¹Ale kolo abit tubu amsa' nane Au ini nok, ale amonit abit mnela hufui amsa'.

¹²Leka Au umnah, Au mes ka uton ki fa, natuin pah pinan nok in nesan nane Au ini kun.

¹³Au ka uah fa bijae keos molo in nesan, ma Au ka inu fa bibi keso in na'.

¹⁴Mitulu fuat naeba neu Uisneno, ma mutiab ho fef bela neu Uisneno Amnanut Afin-finit.

¹⁵Amtoti neu kau leka ho mus'unu, Au mes ufetin ki, ma hi mes ampules Kau.”

¹⁶Mes UISNENO nakua a'an neu atoni amaufinut nak, “Ho ka mupeni fa sona he nati' amtek mani Au plenat sin, ma mu'uab neu Au fef bela sin.

¹⁷Natuin Au ubokan ko mes ho kam simo fa, ma hom tite' Au plenat sin.

¹⁸Leka ho mit atoni abakat, ho mutuin in, ma ho mubua mok atoni-atoni amapaisa.

¹⁹Ho muton maufinut, ma ho muloitan he nati' amtam anbi lasi kake'.

²⁰Ho mu'si'u ho aon bian sin, ma ho mu'akan ho olif ma ho tataf sin.

²¹Ho mo'e ale lasi nane, mes Au u'ten ok, es nanet ho mutenab mak Au on ho. Mes tabu le i Au ukle'at ko, ma Au uton ani lasi le i neu ko.

²²Ampanat nai, hi le amnikan Uisneno; ampantom nai kais talantia Au ule'un ki, ma kan mu'i fa esle' he nafetin ki.

²³Atoni le na'tulu' liatas anfani on fuat, Au mes u'upab in; ma neu atoni le naloitan lanan Au mes uton honis le nem na'ko Kau.”