Read Uab Meto SIT PULES 52 Bible Online

SIT PULES 52 - Uab Meto bible

SIT PULES 52

¹Neu atopu sit sin. Sit noina Nai Daud,

²leka Nai Doeg, atoni Edom nem ma an etun Nai Saul nak Nai Daud antia nalali Nai Abimelekh in ume.

³Hoi atoni abe'it, nansa' es ho mu'mok'om natuin ho maufinu neu atoni le Uisneno In nek nani?

⁴Anbi neno teme ho mupoibom ma ho mutenab amle'ut; ho mam an ole onle' besi eu' a'aikat.

⁵Hom lomi mnesin maufinu na'ko lasi alekot, ma hom lomi mnesin lasi poi na'ko lasi amneot.

⁶Anbi ho uab nahenu nok poi le namenab atoni nekan!

⁷Uisneno mes nale'un nani ko, mes anheke ko ma anpolin ko na'ko ho ume, ma naneku ko na'ko pah atoni amonit.

⁸Atoni amneot mes namtau leka sin nit, lasi nane ma anmanis ko ma sin nak,

⁹“Nane atoni le ka nahaofton fa anbi Uisneno, mes nafnek neu in mu'in le nathoe ma in na'naebon nok bale le in nasik na'ko atoni bian.”

¹⁰Mes au on kau hau bub fua mina le an nomate anbi Uisneno in Ume. Au ufnek ak Uisneno an nek kau tal nabal-bal.

¹¹Anbi au monik au mes unaen Ko piut ma anbi Ho to sin matan au mes a'etun Ho alekot.