Read Uab Meto SIT PULES 53 Bible Online

SIT PULES 53 - Uab Meto bible

SIT PULES 53

¹Neu atopu sit sin. Natuin sit: Mahalat. Sit noina Nai Daud.

²Atoni amonot na'uab anbi in nekan nak, “Ka tit fa Uisneno.” Sin mo'et nane amle'ut ma neki hainisit; ka tit fa le anmo'e alekot.

³Na'ko neno tunan UISNENO ankiso to mansian, he nami atoni nek ahinet le na'luli ma na'bes neu In.

⁴Mes ale atoni sin ansek nalali ma sin namle'u anfin kun, ma kan mu'i fa atoni mese le anmo'e alekot.

⁵UISNENO nakua a'an nak, “Atoni amaufinut nane ka nahin fa ka? Sin nasik nan Au to neu sin monin, ma sin kan onen fa neu Kau.”

⁶Amtaus a'naek neu atoni amaufinut, mes anbi nane kan mu'i fa hakataus neu sin, natuin Uisneno nasiteb nuif na'ko atoni amates ma anfun natef ki; Uisneno antite nalali sin, es nanet hi mes amli'u sin.

⁷So nati' honis nane nem na'ko Sion neu atoni Israel. He nati' Nai Yakub in sufan sin anmalin, leka UISNENO naloitan nafani' In to sin monin.