Read Uab Meto SIT PULES 54 Bible Online

SIT PULES 54 - Uab Meto bible

SIT PULES 54

¹Neu atopu sit sin. Bae' heo. Sit noina Nai Daud,

²leka atoni Zifi nem ma an etun Nai Saul nak, “Nai Daud na'tolo' anbi kai.”

³Koi Uisneno, mufetin kai natuin Ho kuasat, muton kau amneot natuin Ho matanim.

⁴Amnen au totis, koi Uisneno, ma amnen au uab sin.

⁵Natuin atoni anao mnemat anfen ma anmaken nok kau, ma atoni neka' moko anlomi he na'mate kau, ma sin kan sian fa Uisneno.

⁶Mes Uisneno nane au atukus, UISNENO nane au ababat.

⁷In mes ankas au musu sin namnes nok sin maufinu anmes kun, ma nale'un nani atoni le ka na'ki' fa anbi In.

⁸Nok au nekak oke, au lomi he natu u'tulu' fuat neu Ko, ma u'naeb Ko natuin Ho athoem, koi UISNENO.

⁹Ho mufetin kau na'ko ale au nukat, ma au it au musu sin Ho munebet mani sin.