Read Uab Meto SIT PULES 55 Bible Online

SIT PULES 55 - Uab Meto bible

SIT PULES 55

¹Neu atopu sit sin. Nok bae' heo. Sit noina Nai Daud.

²Koi Uisneno, amnen au onen totis, ma kais amta'an au sananet.

³So Hom panat kau ma mutae kau, natuin au nukat sin naskuku' kau.

⁴Au nekak nasusbon natuin musu anhamu'i kau ma susu' na'ko atoni maufinu. Natuin sin nasusab au monik, ma nok nek tu'as sin anmusu nok kau.

⁵Au nekak nasusbon nae le'uf, ma maten neki hakataus neu kau.

⁶Amtaus ma tai antoman kau, lasi skeken anfun neu kau.

⁷Ah, bait au he manine kau on kol ot kase, oin au uplel ma au ami bale oe tene'.

⁸Namneo, oin au uplel u'lo, ma au u'maika' anbi mnela snaen.

⁹Of au uloitnok he ami bale he uneo ma uhaoftok na'ko nautus sanin slutuf.

¹⁰Koi UISNENO, mo'e au musu sin tenab namneku, ma mupe' sin anbi sin uab, natuin anbi sin kot au it bulalu ma matoes.

¹¹Anbi manas ma fai sin anfun, natef ma anmo'e maufinu ma taisibu.

¹²Anbi me-me sin anmo'e amle'ut; sin anmo'e lasi susu' ma kake' anbi ale masa.

¹³Bait au musu es na'si'u kau, au oin a'kake' ubalah. Bait sin le anlaban kau es na'akan kau, au fe u'tol'ok u'ko sin.

¹⁴Mes natuin ho, au bia, au soba, ma au bae leko es nakle'at kau.

¹⁵Hit tabua nok nek mahoe anbi ahunut, ma taluli tabesa nok nek bua anbi Ume UISNENO.

¹⁶Maut he nati' au musu sin anmate nok askeken, ma namofut sin ansanu neu nopu maten noba honis, natuin maufinu anbi sin ume, ma sin tnanan.

¹⁷Mes au toti neu Uisneno, ma UISNENO mes nafetin kau.

¹⁸Au kae nok nek nu'ut anbi manas ma fai, ma In nen nalali au hanak.

¹⁹In nafetin kau na'ko au musu sin kenat, le sin nabua ma nem hen laban kau.

²⁰Uisneno es naplenat na'ko ahun-hunut mes In nen kau ma anli'u na'aenab sin. Natuin sin kan lomi fa lasi pisat, ma ka namtausan fa Uisneno.

²¹Au soba le anmaken nok, in bae sin nasel sin fef bela.

²²In uab sin anhanoe, mes anbi sin nekan nanan nahenu nok nek to'as. In na'uab nok mahoe, mes napau onle' suni a'aikat.

²³Muna'at ho nek as'unu neu UISNENO, natuin In mes antuntaku ko; natuin In mes ka nafetin fa atoni amneot hen mofu.

²⁴Mes Ho, koi Uisneno, of mutam sin neu bola' mnanu. Atoni a'kake' ma atoni a'opan na' mes kan ua mnanu fa. Mes au ufneknok neu Ko, koi Uisneno.