Read Uab Meto SIT PULES 61 Bible Online

SIT PULES 61 - Uab Meto bible

SIT PULES 61

¹Neu atopu sit sin. Nok bae heo'. Na'ko Nai Daud.

²Amnen au sakoit, koi Uisneno, mutae au onen totis.

³Au u'lo u'ko ume es nanet au toti neu Ko, natuin au nekak nas'unu. Ho mes amtopu kau ma mutam kau neu bale polin le namne', bale le amnaun le'uf neu kau;

⁴au neot ma ahafot es Ko, aninit matani neu au musu.

⁵Maut he nati' au u'maika' anbi Ho Ume, he nati' au moni nok nek amneot anbi Ho ninem in mafon.

⁶Natuin Hom nen mulali au fef bela, koi Uisneno, ma Hom fe neu kau amaus atoni nek muti'.

⁷So nati' kesel an uan mnanu, he in anmoni batan nao neu batan.

⁸So nati' in naplenat talantia nabal-bal anfani on kesel le Hom beti mulali, koi Uisneno, muneo muhafo in meki Ho manekam ma Ho matakum.

⁹Es nanet au mes a'si sit pules neu Ko piut, ma utis au manta'en anbi au monik neno-neno.