Read Uab Meto SIT PULES 62 Bible Online

SIT PULES 62 - Uab Meto bible

SIT PULES 62

¹Neu atopu sit sin. Natuin sit hanan: Yedutun. Sit Pules Nai Daud.

²Nok tainine au smanak anhat ma anpao Uisneno, natuin au honis nane al na'ko In.

³Al In kun es anpanat ma anfe kau honis, In es anlefi au lasi, es nanet au ka umtau fa.

⁴Antia leka anteni hi mes ma maken mok atoni mese onle' nesat nasni' nalali ma onle' baik lape ale kle'ot natsel?

⁵Hi mitenab he nati' mimofu in na'ko in a'toko le amnanu. Him lomi lasi poi; him fe tetus meki hi fefam, mes him sukat anbi hi nekam nanan.

⁶Nok tainine au smanak anhat ma anpao Uisneno, natuin au honis nane al na'ko In kun.

⁷Al In kun es anpanat ma anfe kau honis; In es anlefi au lasi, es nanet au ka umtau fa.

⁸Al In kun Uisneno afe honis ma upa' neu kau, In kun au bale pesit anbi alef lasi amatanit.

⁹Hoi au to ki, so mifnek neu Uisneno anbi ale tabu; muton ho salit neu In, natuin In kun hit bale pesit.

¹⁰Mansian onle' atfun asnasak, a'naet ma a'baut al sin ka maupa fa. Leka antai sin, sin anmakafan, nesin asnasaf le at fun tani.

¹¹Kais amfutun nekam neu susu' in upan, ma kais mipane neu masikat. Mes leka ho mu'im ansato ma antu'an, kais amfutun ho nekam neune.

¹²Au nen Uisneno nakua a'an hae fauk-fauk nak kuasat nane na'ubon na'ko In,

¹³ma In fe an nek kit nabalah. Ho kum, koi UISNENO, amseun banin neu atoni mese-mese namnes nok in mo'et.