Read Uab Meto SIT PULES 63 Bible Online

SIT PULES 63 - Uab Meto bible

SIT PULES 63

¹Sit Pules Nai Daud, leka in anbi mnela snaen Yehuda.

²Koi Uisneno, Ho kum, au Uisneno, au ami ma au lomi he u'eku ok Ko. Onle' pah ma nifu anmeton oe, onane amsa' au menon Ko.

³Maut he nati' au baisenu Ko anbi Ho Ume, ma it Ho matanim ma ho apinat.

⁴Ho manekam maupa nesin monit, es onane te au pules Ko.

⁵Au u'naeb Ko anbi au monit; au aiti' au nimak ma onen neu Ko.

⁶Au pules Ko nok malinat ma a'baf, natuin Hom halin au smanak meki amnahat aminat.

⁷Leka au tup anbi au hala, au umnau Ko, au utenab neu Ko anbi fai teme mese,

⁸natuin Ho es ambab kau, ma anbi Ho ninem in mafon au si nok malinat.

⁹Au na' umepan Ko, ma Ho muk nat kau meki Ho nimam.

¹⁰Mes atoni-atoni le na'mate kau, mes antam anbi nopu maten.

¹¹Sin mes anmaten anbi makenat in nanan, ma sin mes anfani asu fui in osan.

¹²Kesel mes namlil natuin babat ma tuntakus Uisneno; atoni le ansukat natuin Uisneno nane of anmalin, mes atoni apoiba nane sin fefan mes anpoh nani.