Read Uab Meto SIT PULES 66 Bible Online

SIT PULES 66 - Uab Meto bible

SIT PULES 66

¹Neu atopu sit sin. Sit knino mese. Mi'ba' nai neu Uisneno, hoi pah pinan ok-oke!

²Amsi ma minaeb In kanan, amtuna In meki sit pules.

³Mitiab neu Uisneno, “Namneo Ho mepu sin neki amkakat. Musu sin na'luli neu Ko nok amtaus, natuin Ho kuasat nane naek kun.

⁴Pah pinan funam natef na'luli ma na'bes neu Ko, ma sin ansi ma anpules Ho kanam.”

⁵Aim nai ma amkiso Uisneno In mepu, namneo In mepu nane naton amkakat neu mansian!

⁶In na'baina oe tasi anfani meto, ma hai nai sin anao hae natuin. Es nanet hai malin natuin In mepu.

⁷Le In naplenat antia nabal-bal natuin In be'in. In anpanat pah-pah, he nati' alaban nane kais na'naebon neu In!

⁸Ampules hai Uisneno, hoi ale uf-uf, musaeb ho pules neu In!

⁹In anpanat kai he nati' hai moni mibalah, ma In ka nafetin kai fa he nati' hai mitsel.

¹⁰Koi Uisneno, Ho es amsu' mani kai onle' atoni namutib noni muti' anbi ai in nanan.

¹¹Ho mufetin kai ma hai amtam anbi habi in nanan, ma Hom fe kai baut ma'fena.

¹²Ho mufetin kai ma hai musu sin anteli kai neki sin haen. Haim tam mituin oe ma ai. Mes tabu le i Ho mek kai, ma amtam meu bale athoes.

¹³Au mes eki fua mnotu anbi Ho Ume ma utis ani au fef bela neu Ko.

¹⁴Fef bela le au tek ani anbi tabu au utef ok nukat.

¹⁵Au u'tulu neu Ko fua mnotu na'ko mu'it le mabeti na'ko bibi, bibi kase ma bijae keos molo, ma in masu nane of ansae antia neno tunan.

¹⁶Aim nai ma mitnin nai, hoi ale atoni nek muti', mes au uton neu ki sa' le Uisneno anmo'e neu kau.

¹⁷Au anbai neu In hen tuntaku kau, tabu le i au si sit natae kau fa.

¹⁸Bait afi au utenab lasi maufinut, oni UISNENO kan lomi he natae kau fa.

¹⁹Mes Uisneno natae kau, ma In nen au totis.

²⁰Au pules Uisneno natuin In kan tite' fa au onen totis, ma In anek kau ka nasnas fa.