Read Uab Meto SIT PULES 67 Bible Online

SIT PULES 67 - Uab Meto bible

SIT PULES 67

¹Neu atopu sit sin. Nok bae' heo. Sit Pules.

²So nati' Uisneno In nek ma anfe kit tetus, so nati' In nail kit neki athoes.

³Koi Uisneno, so Ho lomim nano'u pah pinan, ma Ho honis natonon anbi uf-uf.

⁴So ale uf-uf anpules Ko, koi Uisneno, so ale pah na'naeb naliatas Ko.

⁵So ale pah na'ba' nok malinat, ma ansi nok a'baf. Natuin Ho muplenat nok amneot, ma Hom tuntaku ale uf-uf anbi pah pinan.

⁶So ale uf-uf anpules Ko, koi UISNENO, so ale pah pinan sin na'naeb Ko.

⁷Afu naton in nesan, Uisneno, hit Uisneno es anfe tetus neu kit.

⁸Uisneno es anfe nalali kit In halinat; so pah pinan funam natef na'bes neu In!