Read Uab Meto SIT PULES 7 Bible Online

SIT PULES 7 - Uab Meto bible

SIT PULES 7

¹Kaet kulut Nai Daud, le ansi nani neu UISNENO natuin Nai Kus, atoni na'ko uf Benyamin.

²Koi au UISNENO, au uneo ma uhaoftok anbi Ko; muhoni kau ma mufetin kau na'ko ale atoni le anli'u natuin kau.

³Kais mufetin sin on meo asu anheke ma anpisu kau ma kan mu'i fa tuntakus neu kau.

⁴Koi au UISNENO, oin ai au mo'e san, ai au mo'e maufinu neu au aok bian, ai au ait ansin sa' nok son-sona', oin kalu ai au mo'e onane,

⁶namaut he nati' au musu sin anli'u ma anheke nan kau, ma na'mate kau ma au ubalah anbi afu.

⁷Amfen nai anbi Ho to'as in nanan, koi UISNENO, amlaban au musu sin, sin maunu. Amfen nai hem tuntaku kau, natuin Hom lomi amneot.

⁸Amnibun ale uf-uf le anfun natef Ko, ma muplenat sin na'ko Ho toko' anbi neno tunan.

⁹Hom lefi lasi neu ale to mansian; ma mumneob kau, koi UISNENO, natuin au ka usanab fa.

¹⁰Musnasab maufinu na'ko atoni abulalut ma mumepan nekaf na'ko atoni alekot, natuin Ho Uisneno amneot Ko, le muhine ale nekaf ma tenab mansian.

¹¹Au aneot ahafot nane es Uisneno le nafetin atoni nek muti'.

¹²Uisneno nane alef lasi amneot, le mes ankas ale atoni maufinu.

¹³Leka sin ka nate'un fa sin mo'et, in mes naloitan in kenat he na'mate sin. In aki in suni ma in anlulun in naklao sin neki as'anef le anmu'i ai.

¹⁵Amkiso nai, atoni amaufinut natenab maufinu; in anmo'e maufinu ma anmo'e lasi kake'.

¹⁶In anhani bola' neu atoni bian, mes in anmes es anmofu antam neune.

¹⁷Es nanet ankas in natuin in maufinu anmes kun, ma in nek manu' es anhamu'i in.

¹⁸Au u'naeb UISNENO natuin In amneot, au sitma pules al neu UISNENO Anesit Afinit.