Read Uab Meto SIT PULES 76 Bible Online

SIT PULES 76 - Uab Meto bible

SIT PULES 76

¹Neu atopu sit sin. Nok bae heo'. Sit Pules Nai Asaf. Sit knino.

²Uf Yehuda nahin Uisneno; In kanan nane nabeno' anbi Israel.

³In natua anbi Yerusalem, ma In na'maika' anbi Tubu Sion.

⁴In naskuku' nani blua makenat, esle' ale as'anef alimat, ben aninit ma suni.

⁵Namneo Ho anaet ma Ho apinat Ko, nesin ale tubu batan ahunut.

⁶Ho musik mani atoni-atoni amatanit; sin antupan mes kan fenan teni fa. Meo naek abe'it ma amatanit sin matanin namneku.

⁷Ale bikase nok in asaet sin anmofun ma anmaten natuin Ho maunu, koi Nai Yakub in Uisneno.

⁸Namneo Ho amakenat Ko! Leka Ho muto' sekau, mes es anhake nabalah?

⁹Ho musanut Ho fekat na'ko neno tunan; pah pinan namtau ma na'tena.

¹⁰Leka Hom fen ma amlefi lasi ale atoni anukat anbi pah pinan.

¹¹Ale atoni abulalut sin anpules Ko, ma le fe anmu'i nek to'as sin anpake kalo anfani taka' nu'ut.

¹²Mutis mani Ho fef bela neu UISNENO, ma ale uf anhaumakat so neki fuat neu Uisneno le sin namtausan.

¹³In na'ipu ana' aplenat sin matanin; ale kesel na'tai ma namtausan In.