Read Uab Meto SIT PULES 81 Bible Online

SIT PULES 81 - Uab Meto bible

SIT PULES 81

¹Neu atopu sit sin. Natuin sit hana': Gitit. Na'ko Nai Asaf.

²Amsi sit pules neu Uisneno, hit meo naek, mi'ba ma mimlil neu Nai Yakub in Uisneno.

³Amsi biol, ma mibae leku, ma heo' nok hana' naek.

⁴Ampu' to'is anbi neno hit neno naek, ma anbi funan fe'u ma funan ahunut.

⁵Natuin lasi nane anfani lekat anbi Israel, plenat na'ko Nai Yakob in Uisneno.

⁶In anmo'e anfani lekat lulut neu to Israel, leka In anlaban Mesir. Au nen uab le au ka uhin fa,

⁷“Au aiti' baut na'ko ho benam, ma usanuf ki'u na'ko ho nimam.

⁸Him sakoi anbi hi nukat, ma Au ufetin ki, anbi lotos in nanan na'ko Au bale utae ki, Au su' ki anbi oe mata Meriba.

⁹Amnen, Au mnaut hoi Au to, Israel leka him lomi he mitnin kau.

¹⁰Anbi ki kais anmu'i uisneno teta, kais miusi neune.

¹¹Aule i hi UISNENO, Au es ok ki ma upoitan ki na'ko Mesir. Tabu hi mimnah, Au fe ki mnahat.

¹²Mes Au to kan lomi fa he natnin Kau, Israel ka natuin kau fa.

¹³Es nanet Au umanub sin nekan; maut he nati' sin natuin sin lomit anmes kun.

¹⁴Ah, bait Au to he nen Kau, ma sin natuin Kau,

¹⁵oin Au li'u sin musu, ma Au umofu sin.

¹⁶Atoni le an nek nanan Kau mes Au unebet ani, ma mes Au kas sin antia nabal-bal.

¹⁷Ma mes Au fe aen kase mabeti neu Au to he sin nahan, ma mes Au umsenab sin eki oin oef.”