Read Uab Meto SIT PULES 82 Bible Online

SIT PULES 82 - Uab Meto bible

SIT PULES 82

¹Sit Pules Nai Asaf. Uisneno es antopu buat knino anbi neno tunan, es nanet In naiti In fekat:

²“Kais amlefi lasi nok poi, ma kais ampesi atoni amamu'it.

³So him pesi mok li'anmanat ma atoni a'olet, ma miton amneot neu atoni anukat ma asutai mane'at.

⁴Mifetin atoni a'olet, sin na'ko atoni amaufinut sin niman.

⁵Hi ka mihin fa sa'-sa', amonot ma aseket, natuin hi misiteb lekat anbi to in atnanan.

⁶Au ak hi knino ki, hi Uisneno Amnanut Afin-finit In anah ki.

⁷Hi amsa' amate onle' mansian, hi mes amate on ahaet sin.”

⁸Mu'noebom amu, koi Uisneno, amlefi mansian pah pinan sin lasi, natuin ale amonit nane Ho ini kun.