Read Uab Meto SIT PULES 84 Bible Online

SIT PULES 84 - Uab Meto bible

SIT PULES 84

¹Neu atopu sit sin. Natuin sit hana': Gitit. Sit Pules uf Korah.

²Bale le Ho mutua nane neki halinat, koi Uisneno Akuasat Afin-finit!

³Au nekak namnau Ho Ume, ma au aok ma au smanak namlil ma na'ba' neu Uisneno amonit.

⁴Fun kol ane napeni bale ma tel masu napeni kuna, bale sin antao sin ana' anhaumak Ho bale tulu', koi UISNENO Akuasat Afinit, au Kesel ma au Uisneno.

⁵Namneo atoni le na'maika' anbi Ho Ume anmalin, ma ansi sit pules neu Ko piut.

⁶Ua alekot neu atoni le napeni be'it ma matani na'ko Ko, ma le anmu'i nek salit he nao neu Tubu Sion.

⁷Tabu sin ano natuin Nonof Baka, bale nane sin na'baina anfani oe mata, ulan ahunut mes nathoe nok tetus.

⁸Sin be'it matani nane ansato, leka sin nao natuin Sion, bale Uisneno ale pah tuaf natonon anbine.

⁹Amnen au onen totis, koi UISNENO Akuasat Afinit, amnen kau, koi Nai Yakub in Uisneno.

¹⁰Amfe tetus ma athoen neno neu hai kesel, koi Uisneno, muneo ma muhafo atoni le Hom beti mulali.

¹¹Au u'maika' anbi Ho Ume neno mese maupa nesin neno nifun mese au u'maika' anbi bale bian. Au beti he fani apao eno anbi Uisneno In Ume na'ko au u'maika' anbi atoni amaufinut sin ume.

¹²Natuin UISNENO nane es anpanat kit ma hit usif anaet, le anfe kit In manekan ma athoen neno. In kan tite' fa alekot sa' neu atoni le anmoni nok nek amneot.

¹³Koi UISNENO Akuasat Afinit, ua alekot neu atoni le nafnek neu Ko.