Read Uab Meto SIT PULES 85 Bible Online

SIT PULES 85 - Uab Meto bible

SIT PULES 85

¹Neu atopu sit sin. Sit Pules uf Korah.

²Ho muton Ho matakum neu Ho pah, koi UISNENO, ma Hom paloli Israel le Hom beti mulali.

³Hom sako mulali Ho to sin sanat; ma Ho ka mumnau fa sin elet tanhais.

⁴Ho ka muto'an amteni fa sin; Ho sukat le neki amtaus nane Hom hel mufani.

⁵Ampaloli kai, koi Uisneno, hai afetin, kais amnek menan amteni kai.

⁶Ho mes muto'an kai piut ka, ma Ho mes muto'an kai na'ko batan nao neu batan?

⁷Mumepan mufani kai, he nati' Ho to namlil natuin Ho tuntakus.

⁸Muton neu Ho fe amnek kai nabalah, koi UISNENO, amfe neu kai lasi honis le na'ko Ko.

⁹Au he upan noina na'ko UISNENO; In anta'en hen fe In athoen neno neu In to, es nanet kais atmo'e teni sanat.

¹⁰Namneo In naloitan he nafetin atoni nek amnebet, Uisneno anpao ma antite kit anbi hit pah.

¹¹Mes na'ekub manekat ma a'ki'at, amneot ma halan mes nabua.

¹²A'ki'at na'ko mansian anbol na'ko pah pinan, ma Uisneno In amneot mes ansanu na'ko neno tunan.

¹³UISNENO nasanut oe tene' alekot, es nanet hit afu mes napoitan in nesan.

¹⁴Amneot mes nahunun UISNENO, ma naloitan lanan neu In.