Read Uab Meto SIT PULES 91 Bible Online

SIT PULES 91 - Uab Meto bible

SIT PULES 91

¹Atoni le naneo ma nahafo anbi Uisneno Amnanut Afin-finit, ma na'maika' nabalah anbi Uisneno Akuasat Afin-finit In neno In hafon,

²nabe'i nak neu UISNENO nak, “Ho apesit ma aneot ahafot neu kau, au Uisneno, neu Ko au uteb.”

³In mes nafetin ko na'ko maten le na'tolo', ma na'ko menas le neki maten.

⁴In mes namafo ko neki In ninen, talantia hom tainine anbi In neom, In matakun nane anfani ben aninit he namafo ko.

⁵Kais mumtausan amle'ut anbi fai, ai makenat nok askeken anbi manas;

⁶ai neu snama le nem anbi mes'okan, ai makenat le antoman ko anbi nenom tetu.

⁷Maski atoni nifun mese anmaten anbi ho aon bian, ma atoni nifun bo'mese anbi ho aon bian ne'u mes of kan toman ko fa.

⁸Leka hom kiso anfunam natef, ho mes mit seunbanin neu atoni amaufinut.

⁹Natuin ho mo'e UISNENO anfani alef lasi, ma Uisneno Amnanut Afin-finit anfani aneot ahafot neu ko.

¹⁰Es nanet snama mes kan toman ko fa, ma amle'ut mes kan toman fa ho ume.

¹¹Uisneno anlenu In ahake hen panat ko, leka hom tam mok me ai ma poi mok me.

¹²Sin mes natnat ko anbi sin niman nanan, he nati' ho haem kais antom anbi fatu.

¹³Ho mes amtanhai kauna ma meo asu, ho mes amtali meo fui ma kauna.

¹⁴UISNENO nakua a'an nak, “Atoni le in nek Kau Au mes ufetin, ma atoni le anmanaku Kau mes Au fe neune honis.

¹⁵Leka in an anbai neu Kau, Au mes utae in. Anbi ma'nukat, Au mes a'tuntaku in; Au mes ufetin in ma Au mes u'upab in.

¹⁶Au mes a'fe ua mnanu neu in, ma Au mes ufetin in.”