Read Uab Meto SIT PULES 95 Bible Online

SIT PULES 95 - Uab Meto bible

SIT PULES 95

¹Aim he alkit atsi sit knino neu UISNENO, amtek a'baf neu hit afetin!

²Aim he hit athaek anbi In matan nok sit aliatas. Ta'ba neu In nok sit pules.

³Natuin UISNENO nane Uisneno naek. Kesel meo naek le anesin ale uisneno teta.

⁴In es ankuas pah pinan, ma ale tubu in tunan nane ini kun.

⁵In es ankuas tasi, natuin In es anmepu nani, meto nane amsa' In es anmepu neki In anukun.

⁶Aim he nati' hit taluli tabesa neu In, atlitu anbi UISNENO hit apakaet In matan.

⁷Natuin In kun hit Uisneno, hit In to le In anpanat nani, onle' bibi kase le In natuku sin. Anbi neno le i hom nen In hanan:

⁸“Kais mumanub ho nekam onle' hi na'i sin anbi Mariba, onle' afi sin anbi Masa, anbi mnela snaen.

⁹Anbi nane sin ansu' Kau, maski nak sin nit ale Au mepu sin.

¹⁰Au le'mes sin ton bo'ha; Au ak: Namneo to le i ka na'ki'an fa anbi Kau! Sin ka natuin fa Au plenat sin.

¹¹Es nanet Au mo'e supat anbi Au to'as in nanan, sin mes kan taman fa neu pah le nane he nati' sin nabua nok Kau.”