Read Uab Meto SIT PULES 98 Bible Online

SIT PULES 98 - Uab Meto bible

SIT PULES 98

¹Sit Pules. Amsi nai sit fe'u neu UISNENO, natuin In mo'et-mo'et sin le neki amkakat! Nok In kuasat ma In be'in kun In napeni nalali lasi mnisat.

²UISNENO nabeno' In lasi mnisat, ma In naton In amneot neu ale pah-pah.

³In namnau In manekan ma In matakun, neu Israel In to. Ale pah anbi pah pinan nit nalali lasi mnisat na'ko hit Uisneno.

⁴Amtek a'baf nai neu UISNENO, hoi pah pinan anfunam natef! Ampules UISNENO meki sit ma a'baf amlilat.

⁵Amsi sit pules neu UISNENO, nok bae' heo.

⁶Ampu' to'is ma knit ma amtek a'baf neu UISNENO, hit Kesel.

⁷Muslutu' nai hoi tasi nok in nesan, pah pinan ma ale sa' le natua anbine.

⁸Maut he ale noe anpasa niman, ma tubu-tubu sin na'ba' anbi UISNENO In matan.

⁹Natuin In nem hen lefi pah pinan sin lasi; In mes anlefi lasi nok amneot neu pah-pah.