Read Uab Meto SIT PULES 99 Bible Online

SIT PULES 99 - Uab Meto bible

SIT PULES 99

¹UISNENO nane, Kesel kun; ale pah mes anlilitai. In antok anbi a'kake' neno sin fafon, pah pinan ka naktuli fa.

²UISNENO es naplenat anbi Sion; In afinit anesit ma ankuas ale pah.

³So maut he sin anpules In kanan amasat, natuin In Knino kun!

⁴Kuasat neu Ko, Kesel ahek plenat Ho mutau amneot. Ho muki'ab lasi amneot anbi Israel.

⁵Miaiti hit UISNENO, amtul fufu anbi In toko' plenat In matan. Natuin In knino kun!

⁶Nai Musa ma Nai Harun anfani on In ana' fuat sin, Nai Samuel anso'i antam atoni, Le an onen neu UISNENO, ma In natae sin.

⁷In nakua a'an neu sin anbi ni nope in nanan, sin natuin neu ale In plenat ma In lekat sin.

⁸Koi hai UISNENO, Ho mutae mulali Ho to; Hom fani on Uisneno asako sanat neu sin, maski nak sin napeni kasat natuin sin sanat.

⁹Miaiti hit UISNENO, miluli mibes meu In anbi In Tubu knino, natuin hit UISNENO nane knino kun.