Read Uab Meto AMSAL 11 Bible Online

AMSAL 11 - Uab Meto bible

AMSAL 11

¹UISNENO an un In to'an neu atoni le ansuki tnais, ma In anlomi atoni le namneo anbi tnais.

²In mes nakle'at atoni nek anaeb, atoni nek amnebet nane ahinet kun.

³Hinet es antopu atoni nek leko, mes atoni le anlomi lasi poi, in namle'u natuin in poi anmes kun.

⁴Leka hit taeku tok amaten, maus nane ka maota fa, ho mes mupeni honis natuin ho nek muti ko.

⁵Amnonot nane atoni nek leko in lanan monit, mes atoni amaufinut neki in aon antam neu amle'ut.

⁶Atoni amneot napeni honis natuin in nek muti; mes atoni le ka mapalsai fa in anmofu natuin in koman ma in palu'.

⁷Leka atoni amaufinut anmate, in afnekat nane anmate amsa, tafnek neu hit be'ik ma tenab nane ka maota fa.

⁸Atoni amneot na'lob in monin na'ko nukat, mes atoni amaufinut nane mes naeku nok ekat.

⁹Molok na'ko atoni amaufinut nane neki maten, mes hinet atoni nek leko neki honis.

¹⁰Kot mese of namas kalu na'ko atoni amneot sin napeni mnahat; to naek sin na'ba leka atoni amaufinut anmate.

¹¹Onen totis atoni amneot namasab kot, mes molok atoni amaufinut nale'un nani.

¹²Tanebet hi aok bian nane mo'et atoni amonot; mes atoni ahinet mese in mes ka na'uab fa sa'-sa'.

¹³Atoni le nabeno uab moel ma poi nane ka nabela fa uab a'tolo', mes atoni mapalsai mes anpanat uab a'tolo'.

¹⁴Pah mes namle'u leka kan mu'i fa atopus, leka afainekat namfau, honis nane mes natonon.

¹⁵Lasi manta'en hen baen atoni bian in tusa nane neki amle'ut, leko nesi kais amtam meu lasi nane he nati' ho moni nok leko.

¹⁶Bife le in mo'et naleko nane in maupab kun; mes abulalut es nabuab amaus.

¹⁷Atoni le nek alekot in neki mnisat neu in aon, mes atoni abulalut naneku kun in aon.

¹⁸Mnisat neu atoni amaufinut nane mnisat le namsab, mes mnisat neu atoni nek alekot nane mnisat amneot.

¹⁹Sekau na'ki hen mo'e alekot, in monin mes namlil ma namoek; sekau le anlomi ma anmo'e maufinu in nalulu in monin neu maten.

²⁰UISNENO an un to'an neu atoni nek abulalut, mes In nek atoni le in monin ka nok fa lahi.

²¹Atoni amaufinut mes napeni kasat; atoni nek leko mes napeni honis.

²²Bife amasat la kan mu'i fa hine namnes nok kleni mnatu le matao anbi fafi in panan.

²³Atoni nek leko nane in salit mes naton in nesan alekot, mes atoni amaufinut nane in nafnek al neu nek maputu ma to'as.

²⁴Atoni nek athoes nane in mu'in antu'an ma nao piut, bian ansu' mes in na'nuka piut.

²⁵Atoni le anfe naek nane mes in moni nok athoes, atoni le anlomi ma antuntaku atoni bian sin mes mafiti amsa.

²⁶Sekau le anibun amaus atoni of ansukat in, mes atoni le nasosa nani in mes napeni pules.

²⁷Sekau le anmakoe anbi mo'et alekot atoni namfau es anlomi in, sekau es nami maufinu nukat mes antoman.

²⁸Sekau le nafnek neu in amaus, in mes natkua onle hauno amolok, mes atoni nek amneot in mes nasnuk onle hauno mate.

²⁹Sekau le nasusab in aon bian in ume, ale sa' le in anmu'i namneku ma namsab. Atoni amonot mes antuthae atoni nek ahinet.

³⁰Atoni nek ateb knino in monin nane mes mapainote, atoni nek ahinet in atuin sin mes namfau piut.

³¹Leka atoni nek leko anbi pah pinan le i mes ansimo in seunbanin, onane amsa atoni amaufinut ma asanat sin mes ansimo nani kasat.