Read Uab Meto AMSAL 17 Bible Online

AMSAL 17 - Uab Meto bible

AMSAL 17

¹Leko nesi mnahat kle'o nahenu nok halan, na'ko mnahat aminat le nathoe mes nahenu nok matoes.

²Ate le nahin mes naplenat nain in anah le namaeb in; ma mes ansimo amaus nok in anah sin.

³Mnatu ma noni muti ansu nani anbi ai, mes UISNENO es ansu' nekaf na'ko mansian.

⁴Atoni maufinu natuin tenab maufinu; apoiba nane anlomi he natuin uab akan ma si'ut.

⁵Sekau es nakle'at atoni anukat nane nakle'at Uisneno In apakaet. Sekau es namlil natuin atoni anmofu anbi nukat in mes ansimo kasat.

⁶Halinat neu atoni le namnasi esle' in anah upuf sin; ma halinat neu li'ana mese esle' in namnasi.

⁷Atoni maupa ka nabe'i fa he napoibon; atoni amonot ka nabe'i na'uab uab alekot.

⁸Anmu'i atenab nak noni poh fefaf naton lasi amkakat; nok noni poh fefaf ale lasi nanaobon.

⁹Leka hom lomi he atoni nek ko, amsako sako sanat le sin anmo'e. Atlotis sanat nafek lasi malutas.

¹⁰Han bokan mese naleko nes neu atoni ahinet na'ko tepo atoni amonot natun mese.

¹¹Atoni amaufinut anmo'e maufinu piut, es nane te maten anbol neune onle atoni malelu amaunut.

¹²Alekot anes taeku tok bib fui le naneku in ana', na'ko atoni amonot nahaebon nok in monon.

¹³Sekau es anseunbanin alekot neki maufinu, maufinu of ka nasaitan fa in ume.

¹⁴Nafena matoes namnes nok nafaika oe; es nane te mu'lobom na'ko matoes anbol.

¹⁵UISNENO an un to'an neu atoni le namneoba abulalut; ma le nasanab atoni le kan mo'e fa sanat.

¹⁶Ka maupa fa neu atoni amonot napoitan noni he nami mahine natuin in kan mu'i fa tenab alekot.

¹⁷Sob leko mese na'kian in soba, mes olif ai tataf mese ansutai susal ma nukat.

¹⁸Atoni le anta'en hen fani asutai tusa neu in aon bian nane in anfani atoni amonot.

¹⁹Atoni le anlomi sanat, esle' anlomi matoes. Atoni amatoes in nami he nape' ma nale'un matakun.

²⁰Apoiba mese in mes kan moni fa nok malinat, atoni akmoab mes napeni amle'ut.

²¹Atmu'i li'ana amonot namnes nok tapeni kulut kaet; atfani amaf neu atoni amonot mes ka neki fa halinat.

²²Nekak namlil neki halinat neu hit aok; nekak aolet naipu matanik.

²³Alef lasi ka amneot, ansimo natolo'-tolo' noni poh fefaf ma in ka nanaoba fa amneot.

²⁴Atoni ahinet nane in salit esle' napeni noina; mes salit atoni amonot kan mu'i fa in lanan.

²⁵Li'ana amonot nasusab in amaf, ma in ainaf sin nekan.

²⁶Ka nabe'i fa he atoni le ka nasanab an op, ma ka nabe'i fa he atoni nek muti nane masusu'.

²⁷Atoni lonef a'aikat ka na'uab fa amfaun, atoni nek ahinet ka na'uab fa amfaun.

²⁸Atoni amonot hit tatenab tak in ahinet leka in natena ma kan fai fa in fefan.