Read Uab Meto AMSAL 22 Bible Online

AMSAL 22 - Uab Meto bible

AMSAL 22

¹Kanaf alekot naleko nesin amaus le namfau; atoni in nek kit naleko nes na'ko anfe kit noni muti ma mnatu.

²Amu'it ma amamu'it anmu'i lasi mese le namnes: UISNENO es anmepu ma anpakae sin oke.

³Atoni nek ahinet na'lobon leka nit amle'ut; atoni amonot in nao piut es nane te antoman snama.

⁴Atoni le anpalsai neu UISNENO ma nanebet in aon, mes namlil, anmoni nok athoes ma naupab nani in.

⁵A'lau ma uab ekat mapeni anbi atoni amle'ut sin lanan; mu'lo mu'ko sin leka hom lomi he mupeni honis.

⁶Munoina ho anah neu lasi le in mes anmo'e nani leka in namnasi in mes anmoni onan.

⁷Atoni amu'it ankuas atoni amanukat; atoni le in naiti ma anfe ankuas atoni le antoti.

⁸Atoni le ansenan lasi amle'ut mes anseu snama; anbi amsoput in kuasat hen mo'e lafu-lafu mes namneuk.

⁹Atoni nek alekot UISNENO anfe tetus neune, natuin in anbati mu'if neu atoni anukat.

¹⁰Amli'u atoni le anlomi si'u ma akan, onane te mabanat nas-nas, lasi musu ma maakan es neu es namneuk.

¹¹Atoni le anlomi amneot ma uab aminat in of anfani usif ma soba.

¹²Nok le tapoitan atoni amle'ut in poi, UISNENO anpanat kit he nati' hinet amneot nane anmoni nabalah.

¹³Atoni apehet anlomi he namaika nabalah ume; in nak, “Anmu'i meo asu anbi mone, in mes anheke kau anbi lanan in atnanan.”

¹⁴Hanoet na'ko bife apaisa anfani on kle'o; UISNENO of ankas atoni le antam anbine.

¹⁵Li'ana-li'ana mes anmo'e lasi-lasi mono, mes ue nabe'i nanoina sin he naklelo sin mo'et.

¹⁶Sekau es anlomi hen fani amu'it nok lanan nasusu' atoni anukat ma anfe sa' es neu atoni amu'it anbi amsoput in mes anfani anuka.

¹⁷Amnen nai, au of unoina neu ko fainekat atoni ahinet! Ampanat au noina sin.

¹⁸Ho mes mumlil ma mumoek leka ho mubela ma mupan au noina sin anbi ho nekam. Nok nane ho of muloitan he nati' munaoba mani sin.

¹⁹Tabu le i au noina sin neu ko natuin au lomi he nati' ho mufnek neu UISNENO.

²⁰Fainekat nonon bo'tenu au tui ulali sin neu ko — fainekat-fainekat le nahenu nok noina ma aub amasat ma alekot;

²¹ma le of nanoina neu ko sa' le namneo-namneo alekot. Anbi amonit, leka natan ko, nabe'i ho mutae nok namneo.

²²Kais mususu' atoni amanukat, al natuin in an ole anbi buat lef lasi. Kais musik atoni a'olet sin ini.

²³Natuin, UISNENO anpesi sin anbi sin lasi ma In of naiti smanaf atoni le nasusu' sin.

²⁴Kais mumnono mok atoni le nato' labah.

²⁵Natuin of ho mo'e on in ma ka muneku mani fa mo'et nane.

²⁶Kais amanta'en hem sutai atoni bian sin tusa.

²⁷Natuin leka ho kam baen mube'i fa of naiti ho hala tupa amsa.

²⁸Kais mutnanib afu in tu'an ma in ekan le ho na'i sin anlek ma anlulu nalali.

²⁹Ai haefes ho mit atoni ahinet nanaoba in mepu? Of namepub atoni nane anbi usif sin sonaf ma kan bi fa to abaut sin ume.