Read Uab Meto AMSAL 7 Bible Online

AMSAL 7 - Uab Meto bible

AMSAL 7

¹Mumnau au noina sin, au anah ko, ma kais amnikan sa' le au uplenat ulali neu ko.

²Natuin au fainekat sin he nati' ho mumlil anbi ho monim. Mutuin au noina sin lek-leko onle hom panat ho matam sin anmes kun.

³Mumnau ale au noina sin, muhik ma mupan sin anbi ho nekam nanan.

⁴Mubai hine nane anfani on ho olif ma ho tataf ma hinet nane anfani on ho sob leko amsa.

⁵Hine nane mes na'lob ko na'ko bife apaisa, na'ko bife le anhanoe ko neki in uab min oni.

⁶Anbi neno mese au kius utuin au ume in eno ana.

⁷Au it li'anmone munif amas petis mese; mes au kius ukean neu amonot mese anbi sin atnanan.

⁸Anbi neno mabe leka mesokan anbol, atoni munif nao natuin lan li'af, bale bife apaisa nane namaika anbine.

¹⁰Bife nane kan lomi fa he namaika anbi in ume. Akle'ot in anhake anbi lanan in ninen, nalali te in anbi lan opa, ai anhake ma anpao anbi lanan in sekin. In ka amaet fa ma abalanit. Au it in anpoi ma antao in bael pake on bife apaisa ma naeku nok atoni munif nok ale tenab-tenab hanoet.

¹³In anhonan atoni munif nane ma an nek in, ma ka nok fa nek mae in nak,

¹⁴“Neno le i au mes abaen ko au aok, ma nok nane au utulu ulali fua mnotu.

¹⁵Nok nane au poi ma ami ko, he nati' ho muah mok kau anbi au ume. Ma tabu le i au u eku ulali ok ko!

¹⁶Au uloitan ulali au hala tupa ma au tobe ulali eki pilu amasat na'ko Mesir.

¹⁷Ma au op ulali min fomeni, hau meni ma klali.

¹⁸Tabu le i aum he hit tabua ma atmaliaba es nok es anbi fai teme.

¹⁹Au mone ka es fa ume, in nao es lan alot.

²⁰In neki noni namfau, ma in mes kan fani nem fa anbi klei nua in nanan.”

²¹Bife apaisa in hanoet nane anfutu nan atoni munif in nekan.

²²In ka natenab fa es nane te in natuin bife nane onle bijae molo ma neki neu bale lolot ma onle atoni o'of neki in hen simo hukum le naloitan nalali neu atoni amonot;

²³ka lo fa anteni as'anef nane mes napau anpisu monin. Onle kolo natpen neu kle'o, nok nane atoni munif nane kan be' fa nak in smanan mafutu nok amle'ut.

²⁴Es nane te, au anah sin, mituin neu kau. Ampanat au fainekat sin.

²⁵Kais mufetin bife nane hen hanoe ho nekam; ma kais hom nao he mami in,

²⁶natuin in nale'un nalali atoni namfau sin monin, le sin amfaun ka maso'ik fa, sin namle'un natuin in.

²⁷Hom nao meu in ume, namnes hom nao mutuin lanan neu maten.