Read Uab Meto KIDUNG AGUNG 1 Bible Online

KIDUNG AGUNG 1 - Uab Meto bible

KIDUNG AGUNG 1

¹Nai Salomo in sit pules

²Amnek kau meki ho lulum; ho manekam namina nesin tua min kase!

³Ho afo bona ko, ho kanam onle min fomeni le nat op, es nanet ale fetnai sin a nek ko!

⁴Hit taloitan nai, koi au kesel, mok kau he au tam bi ho ke'an. Natuin ho hai alakai mimlil, ma haim pules ho manekam nane nesin tua min kase, es nanet fetnai sin a'nek ko.

⁵Maski au metan kau mes au umas, hoi fetnai Yerusalem; metan onle um-ume Kedar, mes umas kuk onle ale piul eka anbi Nai Salomo in sonaf.

⁶Kais amkius au po' metan kau, natuin manas es notu kau. Au tatfenu nato'an kau, ma anlenu kau he mepu bi lene tua min kase, es nane te au ka mu'i fa sona he nati paloli au aok.

⁷Muton kau, hoi ho le au nek ko, ho mutuk ho bibi kase sin ma mutupa sin anbi neno mabe anbi me? Onme es au fani on anao amnemat anbi ho soba sin bibi kase sin buat?

⁸Onme es ho ka muhin fa in balan, hoi ho amasat ko anbi ale pukan bae feto sin atnanan? Mutuin neu bibi kase sin nobin, ma mutuk ho bibi sin anhaumak atuku bibi sin um-ume.

⁹Ho le au nek ko, ho on bikase ainaf le anhel Kesel Mesir in aklet.

¹⁰Ho kun-kunum anpin anbi blua amasat in atnanan, ho neom namas natuin iun fatu klima.

¹¹Hai miloitan mnatu amasat neu ko, nok heke na'ko noni muti.

¹²Leka au kesel fe antup anbi hala tupa, au min fo meni nane anfo men.

¹³In le au nek in onle klali afo menit, leka in antup anbi au basak.

¹⁴In le au nek onle tun maliaba anbi lene tua min kase En-Gedi.

¹⁵Ho amasat ko au fenai, namneo ho mumas kum! Ho matam onle kol ot kase.

¹⁶Ho mumas amsa bae mone, namneo ho mumas! Hit bale tupa anbi hun le nomate.

¹⁷Hau bubu' anfani hit ni ainaf anbi hit ume, ma ayo kase anfani on in po'af.