Read Uab Meto KIDUNG AGUNG 2 Bible Online

KIDUNG AGUNG 2 - Uab Meto bible

KIDUNG AGUNG 2

¹Au ala fani tuna mawar sufa amtasa na'ko Saron ma uk-uki anbi ale mnela.

²Onle uk-uki anbi kisan in atnanan, onane amsa in le au nek in anbi ale fetnai sin.

³Onle koi kase anbi ale hau abit nasi, onane amsa in le au nek anbi nai mone sin. Au umlil leka au uhaoftok abine ma hau nane in fuan aminat kun.

⁴In neki kau neu bale buat, ma in kisot neu kau nahenu nok manekat.

⁵Mumepan kau meki tua min kase in fuan aminat ma amhalin kau meki koi kase in fuan, natuin au nekak anmof neu ko.

⁶In niman a' li antuntaku au nakak, ma in niman a'ne'u anho kau.

⁷Manta'en nai, hoi fetnai-fetnai Yerusalem, neu ale lus ma bibi fui abit mnela, of hi ka mile'un fa manekat talantia amhalin in.

⁸Amnen nai, in le au nek in nanoebon nem! In onle lus ana ai bibi fui. An el anbi tubu-tubu ma netu-netu. Amkiso, in anhake anbi baki lape in aon bian ma natnu natuin eno ana in bolan.

¹⁰Amnen nai, in le au nek ani in namolok neu kau. Aum nai au min oni, aum nai au ba'e amaset.

¹¹Amkiso, tabu manikin anfin ma oefat ankon.

¹²Ale tuna abit lene sin anbo, ma tabu het lefi sin antia; ma kolo otos in hanan atnen anbi hit pah.

¹³Hau bubuk amsa nafua ma tua min kase sufan anfomen. Aum nai au min oni, aum nai au amasat.

¹⁴O au kolo kase abit fatu atnanan, anbi maninib le amnanu le'uf ho mu'tolo', he nati au it ho humam, natuin ho humam namas ma ho hanam mas leok le'uf kun.

¹⁵Amheke kauna-kauna nane, kauna le nale'un lene tua min kase, natuin hai lene tua min kase nane anmaspeti anbi lene in nanan.

¹⁶Au ini esle' au nek in, ma au le i in ini kau, in natuk in bibi kase sin anbi uk-uki in atnanan.

¹⁷Tal anin anfu anbi nok-noka ma naneku fai mesokan. Amli' ma moebaniom, le au nek ko, onle bibi fui, onle lus ana anbi tubu Beter.