Read Uab Meto KIDUNG AGUNG 4 Bible Online

KIDUNG AGUNG 4 - Uab Meto bible

KIDUNG AGUNG 4

¹Ho mumas amfin kum, au min oni, namneo ho amasat ko. Anbi ho nui mataf in aon bian, ho matmenu onle kol ot kase; ho nakam funun onle bibi puknes le sin ansanun neten Gilead.

²Ho nisim sin muitkenu onle bibi kase puknes le fe ankateli ma naniu sin; ma sin moni nua-nua onle bibi kase ana' le ankuan sin, ma es ka namneku fa na'kone.

³Ho lulum onle pilu mtasa nono mese ma ho fefam namas. Ho kun-kunum onle atpolot bati lin kase fua mese, le na'tolo' anbi nui mataf sin pinan.

⁴Ho neom onle Nai Daud in baki lape, le nafena he nati nabelak bael makenat. Ho inuh onle auni nifun mese, ma tias na'ko meo pa'e sin.

⁵Ho basam onle lus ana' nua, bibi fui in ana' le ankuan sin anhaken ma nekun hun anbi uk-uki in sufan.

⁶Au lomi he nati' nao neu tubu min fomeni, ma neu tubu klali, talantia anin anbi nok-noka, anfu naaib mesokan anbi fai.

⁷Ho mumasam fin kum, au min oni, ma kan mu'i fa sa' le namle'u.

⁸Aim he hit sanu ta'ko Libanon, naimnuke ma fetnai, aim he hit atsanu ta'ko Libanon. Atsanu nai ta'ko Amana in tunan, ma na'ko Senir ma Hermon sin fafon, bale asu fui ma meo asu namaika anbine.

⁹Ho mumofu au nekak, bae feto, au fetnai, leka hom kiso kau au nekak anmofu, natuin ho fatu klim amasat ma ho inuh.

¹⁰Namneo ho maliaba nane aminat kun, in minan nane nes na'ko tua min kase. Ho mina nane anfomen, nesin ale afomenit.

¹¹Ho molok nane min oni kun, fetnai, oni oef ma susu. Ho bael pake sin fomenin onle tubu Libanon.

¹²In le au nek ani nane onle lene mabaik lape, lene mabaik lape, oe mat maletu.

¹³Anbi nane lin kase sin anmonin, ma nafua fuaf aminat. Tun maliaba ma tun fomeni,

¹⁴tun fomeni, huki, hau meunana ma tefu ma ale klali. Min fomeni, ma ale afomenit mabeti.

¹⁵Oe mata anbi au lene napoitan oe honis le ansai na'ko Libanon!

¹⁶Amfen nai, hoi neno kabenan a'ne'u, aum nai anin neno kabenan a'li! Amfu au lene nai, maut he nati in fon nane anfomen. So leko in le au nek ani nem neu au lene, hen bukae hau fua-fuan aminat.