Read Uab Meto YESAYA 12 Bible Online

YESAYA 12 - Uab Meto bible

YESAYA 12

¹Anbi neno nane of him si mak: “Koi UISNENO, au utulu au nekak neu Ko, natuin Ho mumela kau. Afi Ho muto'an kau, mes muni i Ho to'as ansanuen.

²Namneo, Uisneno nane au Afetin, au uteb neu In. Au ka umtau fa, natuin In anfe neu kau be'it ma matani. Au afetin nane es Uisneno au si sit neu In.

³On oe manikin neki amlilat neu atoni amenot, onane hi of mimlil ma mimoke, natuin Uisneno nafetin ki.”

⁴Anbi neno nane of hi mimolok mak, “Mitulu hi nekam nai neu UISNENO, miluli ma mibes nai neu In. Etun ma miton nai neu uf-uf neu In apinat ma In taos In mo'et.

⁵Amsi nai neu UISNENO, natuin In anmo'e lasi sanmakat namfau. Maut he nati' pah pinan ok-oke sin nen ma natnin neu In taos In mo'et sin.

⁶Amkasul ma mi'ba nai hoi to abit Sion, amsi nai nok sit amlilat ma amoket. Uisneno knino Israel In apinat kun, In natua nabua nok ki anbi hi sonam hi atnanam.”