Read Uab Meto YESAYA 15 Bible Online

YESAYA 15 - Uab Meto bible

YESAYA 15

¹I han ba'an UISNENO antom Moab. Kot Ar ma Kir of nale'un sin anbi fai mese, ma pah Moab of tena maten.

²Tuafen Dibon ansae neten nok kaet anbi bale luli besa uisneno teta. Tuafen Moab nok nek susal ankae nu kot Nebo ma Medeba. Sin an eu sin nakan funun ma sin konon anfani taka' neu sin anbi susal.

³Atoni-atoni anbi lanan sin anpake kalo anfani taka' neu sin anbi susal' kulut ma kaet anbi bale mnela ma ume pupun.

⁴Atoni Hesybon ma Eleale sin ankoanonon, talantia abit Yahas sin nen sin hankenu. Nesi na'ko nane te ale solalus sin anlilitai; sin be'in sin matanin namneku nalalien.

⁵Au nekak nasusbon neu Moab! In to sin natnani neu kot Zoar ma neu Eglat-Selisia. Bian anao ansae nok kaet an ali lanan neu Luhit; ma bian naen neu Horonaim nok anbait natuin sin natef nok lasi susal.

⁶Oe Noe Nimrim ma hun le anmoni anbi in ninen anmeto anmate, ma kan mu'i fa hau no mate le anmoni anbi nane.

⁷Atoni-atoni anlak noe ana Haarabim ma nahelnok hen pao sin a'maus.

⁸Fun anbait anfun natef Moab in nakat-nakat sin. Kulut ma kaet manena antia Eglaim ma Beer-Elim.

⁹Oe noe anbi Dibon anfani me' natuin maselo nok na'. Ma Uisneno of anfe mafena nesi anteni neu atoni-atoni anbi nane. Atoni alolot le in ansonu of anlolo namate ale atoni le fe sin anmoni.