Read Uab Meto YESAYA 18 Bible Online

YESAYA 18 - Uab Meto bible

YESAYA 18

¹Na'ko pah mese anbi Noe Sudan aonbian fun anmu'i hanaf onle fokat pukan mese hanan.

²Na'ko pah nane haef nem nok ale bnao ana anlak Noe Nil. Hoi, haef-haef amanoet, amfani nai nok manoe neu hi bale amnao mok noe him lak sin. Meki han tonas neu hi to abe'it ma amanoet, hi atoni sin le hae mnanu ma ao maeki ma ale pah pinan le namtausan sin.

³Hoi, hi al-al ki le hi mitua pah pinan! Amkiso nai leka sin nahakeb pen-pene anbi nu'af tunan! Amnen nai leka sin anfu to'is ma nahan!

⁴UISNENO nakua a'an neu kau nak, “Na'ko Au bale latas of, Au kiso nok tainine ma meusine, fun tainine nane onle akum anbi fai maputu anbi tabu abul, ma in meusine nane onle manas in meusinen anbi neno namtetu.

⁵Nahunu na'ko hen abul fuan, tabu in sufan anka'un, ma tua min kase in fuan fe ka namnatu fa anbi in un, musu of nale'un nani Sudan, onle besi anlefi tua min kase in atlaen na'ko tua min kase in un.

⁶Ale solalus sin aon nitu of namaika nani sin anfani on kolo sin amnahat anbi tabu fakunais, ma mu'it fui anbi oefat.”

⁷Of antia in tabu ale fua tulu of natulu ma natnat nani neu UISNENO Akuasat Afinit na'ko bale le noe anbati sin, na'ko to abe'it ma amanoet, na'ko atoni-atoni hae mnanu ma ao maeki ma le pah pinan namtausan sin. Sin of nem neu Tubu Sion, bale luli besa neu UISNENO Akuasat Afinit.