Read Uab Meto YESAYA 20 Bible Online

YESAYA 20 - Uab Meto bible

YESAYA 20

¹Natuin plenat na'ko Nai Sargon, kesel Asyur, solalus nakaf amnanut nape' Asdod, kot mese na'ko Filistin.

²Ton tenu nahunu na'ko nane, UISNENO anlelu Nai Yesaya Nai Amos anmone ankasu nani in peni haef ma kalo kloe le in anpake. In natuin ma in nao nok monas af-afa ma kan pake fa peni haef.

³Leka anfun natef nan kot Asdod, UISNENO nakua a'an nak, “Au ate Nai Yesaya ton tenu in anmonas af-afa ma hae monas. Le i anfani taka neu sa' le of hen bol neu Mesir ma Sudan.

⁴Kesel Asyur of anheke atoni-atoni na'ko kuan nua en nane ma anpo' sin nok monas af-afa. Mnasi ma munif, al-al sin of sin nao nok monas af-afa ma hae monas anfani on kle'at neu Mesir.

⁵Atoni-atoni le sin nafnekan neu Sudan ma naliatas Mesir of sin namaebon ma sin panet ma afnekan nane namneku.

⁶Anbi neno nane tuafen anbi tasi ninen of sin nak, ‘Amkiso nai sa' le anbol neu kesel le hit tafnekan he nafetin kit na'ko kesel Asyur. In of he nafetin kit onme ka?’ ”