Read Uab Meto YESAYA 31 Bible Online

YESAYA 31 - Uab Meto bible

YESAYA 31

¹Amle'ut neu atoni le sin anao neu Mesir hen toti babat! Sin sonlaiton neu Mesir in bale makenat nok in solalus asae bikase ma sin bikase nane abe'it ok-oke ma sin aklet makenat le namfau. Mes sin ka nateb fa neu UISNENO knino Israel ma kan toti fa hen bab sin.

²UISNENO In nekan anmanoe ma In nahin sa' le In antao ma anmo'e. In anfe amle'ut ma In nanaoba In salit neu hen fe kasat neu anmo'e amle'ut sin ma atoni le anbab sin.

³Atoni Mesir al atoni a'lafu, ka Uisneno fa. Sin bikase nane al nesaf pah pinan ma kan mu'i fa smanan neno tunan. Kalu UISNENO nanaoba In kuasat, uf ababat nane of naspae ma uf le antuntaku sin of anbel. Ma of sin nua sin namle'u.

⁴UISNENO nakua a'an neu kau nak, “On meo asu nakunut neu he natau in pa'e ma in ka namtausan fa han koa na'ko atukus pukan mese le antumatan hen laban in, onane amsa of Au maken he panat ma utau Tubu Sion.

⁵On kolo le nas'il-ili anbi in kuna fafon neu hen panat in ana sin, onane amsa Au, UISNENO Akuasat Afinit of Au umafo, pesi ma mufetin Yerusalem.”

⁶UISNENO nakua a'an nak, “To Israel, him laban Kau ma misanab neu Kau. Mes tabu i amfani aim nai meu Kau!

⁷Anbi neno nane hi al-al ki mes ampolin le'u mahuma na'ko noni muti ma noni mnatu le hi mo'e mani nahenu nok sanat.

⁸Mes nale'un nani Asyur anbi makenat, mes ka nok fa be'it ma matani atoni pah pinan. Atoni Asyur mes naen na'ko bale makenat, ma sin atoni munif sin of anfanin ate.

⁹Sin kesel of naen nok nek amtaus, ma ale sin nakaf makenat mes naskeken, talan te sin naen nasaitan sin pene-pene sin.” UISNENO nakua nalali In a'an, UISNENO le sin naluli ma nabes ma antola In neki fua tulu mnotu anbi Yerusalem.