Read Uab Meto YESAYA 38 Bible Online

YESAYA 38 - Uab Meto bible

YESAYA 38

¹Oni anbi neno nane Nai Hizkia namen ma ala kle'ot anmate. Mafefa Knino Nai Yesaya Nai Amos anmone, nem neu in ma nak, “UISNENO nakua a'an he nati' ho muloitan ale ho Usi mepu sin, natuin of Usi ho ka muleko fa. Ka lo fa anteni of Usi ho mate.”

²Ma Nai Hizkia nabaina in human neu klipit ma in onen nak,

³“Koi UISNENO, mumnau kau fa natuin au le i au mepu neu Ko nok aki'at ma nok nek aknino. Au uhelnok piut he utuin Ho lomim.” Ma Nai Hizkia in ankae nok nek nu'ut.

⁴Leka Nai Yesaya in anao anfani, UISNENO anlelu in

⁵anfani neu Nai Hizkia ma natiaba han ba'an i nak, “Au, UISNENO Kau, le Nai Daud ho am uf naluli ma nabes neune, In nen nalali ho onen totis ma nit nalali ho mat nu. Of Au sato teni ho uam ton bo'es am nim anteni.

⁶Ho ma kot Yerusalem of Au ufetin ani na'ko kesel Asyur. Kot le i of Au uneo ma uhafo piut.” Oke te Nai Yesaya anlelu atoni naluleb bubuk in fuan ma ankosen neu Kesel Nai Hizkia in bisul he nati' naleko. Kesel Nai Hizkia natoti nak, “In a'takan sa'ka nak UISNENO of naleku kau ma nak of nabe'i au nao teni neu Ume UISNENO?”

⁷Nai Yesaya natae nak, “In taka' le UISNENO anfe neu ko nak In nanokab In lasi manba'an.

⁸Anbi a'hel tabu manas le Kesel Nai Ahas anmo'e, UISNENO of anmo'e in mafon anao koti na'lo tuis bo'mese.” Onane te manas anfani koti tuis bo'mese.

⁹Leka Nai Hizkia in naleko, in antui sit pules i:

¹⁰“Au umolok ak, au fe ka umnasi fa fe mes au he naoen, au usopu au monik anbi pah pinan atoni amates.

¹¹Au umolok ak, of au ka kiso it fa UISNENO anteni anbi pah pinan, ai ka it ateni fa mansian anbi pah pinan i.

¹²Au snasak natfek, au neno maten antelen, onle um-ume atuku mu'it mapukai; onle anlefi nafek abas na'ko tenu'; au utenab Uisneno of nasopu au monik.

¹³Anbi fa-fai au anbai natuin menas, au nuifen onle meo asu naskuku sin; au utenab Uisneno of nasopu au monik.

¹⁴Au hanak ansanu piut ma anole, onle kol umu au unu'ok. Au matak anpetak natuin au baisenu piut neu neno tunan, koi UISNENO, mufetin man kau fa na'ko susal le i.

¹⁵Au he umolok ak sa' ka? I taos mo'et UISNENO; au ka tupa fini fa natuin nek susal.

¹⁶Koi UISNENO, amfe kau fa he au moni natuin Ho a'am ma Ho taos Ho mo'et, maut he moni al neu Ko.

¹⁷Au nek susal of nabaina ma anfani tainine, natuin Ho mufetin mulali kau na'ko lasi maten; ale au sanat sin Hom sako mulali sin ok-oke.

¹⁸Anbi bale amates katit fa es neu hen pules Ko, atoni amates ka nafnek fa neu Ho lasi aki'at.

¹⁹Al atoni amonit es nabe'i anpules Ko, onle au mo'e anbi neno le i. Mnasi sin nanu'un Ho lasi ki'at neu sin anah-anah sin, koi UISNENO.

²⁰Koi UISNENO, Ho muleko mulali kau, es nane te hai misaeba sit pules anbi Ho Ume, meki heo, anbi nai monim ok-oke.”

²¹Oke te Nai Yesaya anlelu atoni ma anmam bubuk in fuan ma ankosen neu Nai Hizkia in bisun he nati' naleko.

²²Kesel Nai Hizkia in natoti nak, “Ait i in otan nak UISNENO of naleko kau ma nabe'i au nao teni neu Ume UISNENO?”