Read Uab Meto YESAYA 4 Bible Online

YESAYA 4 - Uab Meto bible

YESAYA 4

¹Anbi neno nane of bife hitu anheke atoni mese ma sin nak, “Amkolan kai fa he hom fani hai mone, he nati' kais hai amsutai mae natuin hai ka mu'i fa mone. Mnahat ma tainusat nabe'i hai mese-mese amsutai.”

²Anbi neno nane UISNENO of anmo'e ale luat ma hau uf anmoni nanae ma namas anbi pah i. Anbi neno nane atoni Israel le fe anmoni ma anbi aomina of sin namlil ma namoke natuin pah in afan.

³Atoni-atoni le namaika sin anbi Yerusalem, atoni-atoni le Uisneno anbeti sin he napeni honis ma aomina, of antek nak to le'u knino.

⁴UISNENO of neki In kuasat naknino ma naleko In nonot knino sin. In of naknino Yerusalem na'ko na' atoni-atoni le namate sin anbi kot nane.

⁵Oke te anbi Tubu Sion ma ale atoni ok-oke le sin nabua anbi nane UISNENO naloitan neu sin nope anbi manas ma ai pina anbi fai. Uisneno In neknon kun neki In kuasat of naneo ma nahafo kot nane ok-oke.

⁶Of In naneo ma nahafo In kot nane na'ko maputu anbi manas, ma In anmo'e anfani bale snasat tainine na'ko ulan anaek ma anin slutuf.