Read Uab Meto YESAYA 41 Bible Online

YESAYA 41 - Uab Meto bible

YESAYA 41

¹Uisneno nakua In a'an nak, “Mitena nai ma amnen Kau nai, hoi ale uf-uf a'lot sin. Miloitan nai neu hem tam meu lef lasi, amnao mat nai ma meki ho lasi nai. Aim he hit tafek lasi tabua, he tafek neu sekau es namneo, ma sekau es asanat.

²Sekau ka es nafena ana' plenat na'ko neno saen, ma anfe neune mnisat piut-piut ka? Sekau ka es anmo'e in hen be'u ale uf-uf, ma nis ma anbe'u ale kesel sin ka? In suni anmo'e sin nasan'on on afu, ma in aklaot ankaki sin on le anin anfu ane ta'u.

³In anli'u piut ma anao mat piut ma katit fa ekat; in haen manoe le'uf kun ala kle'ot kan ono fa lanan.

⁴Sekau ka es anmo'e le nane ok-oke? Sekau ka es natenab pah pinan in a naon? Au, UISNENO Kau, Au es ahunut Kau, ma Au esan piut talan te namsopu.

⁵Tuafen pah-pah a'lot sin nit ale sa' le Au mo'e ulali. Sin naskek ma anliltai nok amtaus, oke te nabuabon ok-oke ma sin neman.

⁶Ma sin matuntakun es nok es, ma anmahatanin nekaf es nok es.

⁷Apakae hau nahelan nekaf apakae mnatu, ma atoni le antutu noni molo neki tutu in pules atoni le antutu anbi mei besi tutu. In nak, ‘Ho mepu leko namneo’; oke te in nahelan neki kusat he nati' kais nabeko.

⁸Mes, ho Israel, Au ate, to le Au beti ani, ho sanut mofut na'ko Nai Abraham, Au sob leko.

⁹Ho le Au aiti ko na'ko pah pinan in tu'an sin, le Au boin ko na'ko bale-bale lo. Au ak, ‘Ho Au ate es ko; Au ka polin ko fa.’

¹⁰Kais mumtau, natuin Au ok ko, kais mumtau, natuin ho Uisneno es Kau. Of Au uhelan ko ma bab ko, ma Au tuntaku ko eki Au nimak abe'it.

¹¹Amkiso nai, ale atoni le nato'an ko, of anbe'u sin ma namaebon. Ale atoni le anlaban ko, of namle'u ma namneku.

¹²Ho of mami atoni-atoni le anlaban ko, mes ho ka mupeni fa sin. Atoni-atoni le anmaken nokan ko tabu in namle'u nalali ma namneku.

¹³Natuin Au UISNENO Kau, ho Uisneno, Au topu ho nimam a'ne'u; Au ak, ‘Kais mumtau, of Au bab ko.’ ”

¹⁴UISNENO nakua a'an nak, “Kais mumtau, Israel, maski ho mubau ma amole. Au UISNENO Kau Au es a'bab ko, Knino knao, Uisneno Israel In kun ho Afetin.

¹⁵Amkiso, Au mo'e ko onle bena teli ane, le fe'u, na'aik ma manisi lanan nua. Of hom teli tubu-tubu sin ma munoe mani sin; neten-neten sin of ho mo'e sin anfani ane ut.

¹⁶Ho of muklai sin, ma anin mes anfu natpeneb neki sin, ma anin nautus of nasitab sin. Ho of mumlil natuin Au, UISNENO Kau, ma mumlil natuin Au, Uisneno atoni Israel Kau.

¹⁷Leka Au to asusat nane sin nami oe, ma sin makenu anmeto natuin anmeno oe, Au, UISNENO Kau, of Au utae sin onen totis; Uisneno atoni Israel of ka nasaitan nit fa In to sin.

¹⁸Au mo'e ale oe ansai anbi neten-neten monas; ma oe mata of anbobok anbi mnela ametos in atnanan. Mnela snaen of anfani oe mata honis; oe of ansai anpoi anbi nain ametos.

¹⁹Au of a'sen aijob anbi mnela snaen, bub fua mina, buni ma nankai. Ma mnela hufui of anfani nasi, nunuh, lete ma aijob.

²⁰Ma of sin al-al sin nit ma nahin nak Au, UISNENO Kau, es anmo'e ani. Sin of ankiso ma nahin, Uisneno knino Israel es anmo'e nani ma anbol.”

²¹UISNENO, Kesel Israel, nakua a'an neu ale uisneno teta nak, “Meki hi lasi nem nai, miton hi lasi in amneon nai!

²²Aim nai, ma miton nai sa' le of hen bol, he nati' hai mihin in amsopun le nane. Ma minu'un lasi un-unu nai, ma miton kai nai in otan he nati' hai mihin.

²³Miton neu kai nai sa' le of anbol, he nati' hai mihin namneo nak hi uisneno ki. Anmo'e nai sa' alekot ai amle'ut, he nati' hai mimkak leka hai amkiso.

²⁴Namneo, hi ma ale hi mepu ka maota fa, ma le naluli ma nabes neu ki al neki mainisit.

²⁵Au ufena ulali atoni mese na'ko neno saen; Au boin in neu he nape' na'ko bian a'li. Ale kesel sin of in teli naklati sin on a'homa, on anmo'e nai' anteli naklati nain makli'at.

²⁶Sekau na'ko ki es nauab nahunun lasi i na'ko un-unu talan te nabe'i hai mak lasi nane namneo? Mes katit fa es na'ko ki le he naton nani, fun katit fa es he nen hi uab.

²⁷Au, UISNENO Kau, Au es ahun-hunut es uton ani neu Sion; Au sonu amneki beno alekot neu Yerusalem.

²⁸Ma leka Au ami anbi ale uisneno teta sin atnanken, katit fa es hen fainek Kau, ma katit fa esle' he natae Kau.

²⁹Namneo, ale uisneno teta nane ka maota fa, sin al le'u mahuma matesi le ka sa'-sa' fa, ma le ka nabe'i fa hen mo'e sa'-sa'.”