Read Uab Meto YESAYA 46 Bible Online

YESAYA 46 - Uab Meto bible

YESAYA 46

¹I lasi amsopun na'ko ale uisneno teta Babel; le'u mahuma Bel ma Nebo afi ahun-hunut sin naluli ma nabes neune, mes muni i nasaeba sin neu mu'it, ma anfani baut mafena neu mu'it le anhae.

²Le'u mahuma-le'u mahuma nane sin ka nabe'i fa hen bab ale aloit le anloi sin, sin amsa naiti neki sin onle atoni mapolin. Sin lasi amsopun esle' nane.

³Amnen nai neu Kau, hoi Nai Yakub in sufan, hi al-al ki nesif na'ko Au to. Au panat ulali ki na'ko afi nahonis ki.

⁴Au Uisneno neu ki piut talan te hi mimnasi; ma Au panat ki piut talan te hi nakmofa ki. Au tao ma mo'e ki ma panat ma pao ki piut, ma of Au bab ki ma ufetin ki.

⁵Hi he mileta Kau nok sekau ka? Ai anmu'i esle' namnes nok Kau ka?

⁶Sin anfai sin bale le nabela sin noni ma an opan sin mnatu hen mo'e le'u mahuma, In na'up apakae mnatu hen mo'e le'u mahuma, ma in nabes neu le'u mahuma le in mo'e.

⁷Le'u mahuma nane ankus ma antao anbi in bale, in anhake anbi nane ma ka natnani fa. Kalu sin onen neune, in ka natae fa sin, ma ka nafetin fa sin na'ko sin susal.

⁸Mimnau nai ma amtai nai, hoi atoni-atoni amle'ut!

⁹Mimnau nai ale lasi le anbol anbi neno ahunut; miteb nai mak Au Uisneno Kau, ma katit fa es anteni, Au Uisneno Kau ma katit fa es on Au.

¹⁰Na'ko neno ahunut Au uton ulali neu ki ale lasi le of anbol anbi neno amnemat, na'ko neno ahunut Au uton ulali neu ki sa' le of anbol. Au ak: Au lasi fekat of nanaobon, Au lomik of Au mo'e ani!

¹¹Au boin ana' aplenat mese na'ko neno saen, in nem on kol teme he nanaoba lasi fekat. Sa' le Au umolok ulali mes Au mepu ani, sa' le Au sali mes Au unaoba ani.

¹²Amnen nai neu Kau hoi atoni-atoni a'moko, hi le mitenab mak lasi mnisat nane fe a'lo.

¹³Au of haumakab ki neno aomina, lasi fetin le Au fe neu ki ka natnani anteni fa. Au of ufetin Yerusalem, ma Au fe lasi tola neu Israel.”