Read Uab Meto YESAYA 53 Bible Online

YESAYA 53 - Uab Meto bible

YESAYA 53

¹Uf nane natae nak, “Sekau nateb neu sa' le haim nen milali? Kuasat UISNENO nalali nalali neu sekau ka?

²UISNENO anlomi he nati' In ate nane onle hau sunif le anmoni anbi afu meto. Kan mu'i fa amasat anbi in he nati' hit atkiso; kan mu'i fa alekot anbi In he nati' hit atsinmakan.

³Hit tasi'u ma tasaitan in, atoni le nahenu nok mane'at, ma ansutai menas, ma hit amsa kat sian fa in.

⁴Mes namneo in anloi kun hit menas, ma in ansutai kun hit mane'at, mes hit tak in mane'at nane kasat Uisneno neu in.

⁵Mes napapa' in natuin hit sanat-sanat sin, ma anbeso in natuin it tanhais sin. Nafek lasi neu in he nati' nafetin kit, natuin in fokel sin naleko kit.

⁶Hit al-al kit atseke on bibi kase, es-es nami kun in lanan. UISNENO nasuba nalali neu in ale hit tanhais sin ok-oke.

⁷Antao ma anmo'e in nok hamu'it, mes in ansutai nani nok nek a'none. In kan fai fa in fefan on bibi ankase le anhel neki neu bale lolot ai on bibi kase ainaf le anta' ma an-ela anbi akatelit sin matan.

⁸Anheke in ma nafek lasi neu in, neki in ma anao ma namate in. Katit fa es hen sian ma namnau in monin; in anmate natuin hit nonot sin sanat.

⁹Ansub in nabua nok amaufinut sin; in naukel anbi atoni amu'it sin naukel atnankenu maski in kan mo'e nit fa amle'ut, ma katit mo'el ma poi anbi in fefan.”

¹⁰UISNENO anlomi he nati' in sutai mane'at, ma nana'at in monin on fua tulu neu sako sanat. Ma in of ua mnanu ma in nit in sufan sin ma nanete natuin in UISNENO In lomin nanaobon.

¹¹Es nane te UISNENO nakua In a'an nak, “Leka in sutai nalali mane'at, in of napeni alekot ma amlilat. Au ate nane, in es anhalin Au nekak, in es ansutai kasat atoni amfaut; natuin in of Au sako sin sanat.

¹²Nok in nekan ok-oke in nana'at in monin ma in maso'ik antam atoni amaufinut. In anloi kun sanat atoni amfaun ma in onen toti he nati' ansako sin sanat. Es nane te Au fe neune atoni namfau on atnatas neune, ma in napeni pa' ma nama' bua'-bua' nok ale atoni amneot sin.”