Read Uab Meto YESAYA 56 Bible Online

YESAYA 56 - Uab Meto bible

YESAYA 56

¹UISNENO nakua In a'an neu In to nak, “Anmo'e amneot nai le anmatom nok Au plenat. Natuin ka lo fa anteni of Au amu ma ufetin ki ma Au lasi amneot natonon.

²Au fe tetus neu atoni le naliatas Neno Snasat ma ka nalahi fa neno nane. Atoni le fe kan mo'e fa apenut of Au panat ani nok alekot.”

³Atoni anao amnemat le natua nabua nok UISNENO In to ka nabe'i fa he nauab nak, “UISNENO ka nafetin kau fa he ululi ubes neune bua'-bua' ok In to.” Ma atoni le anbo'e sin ka nabe'i fa he natenab nak, “Au ka maso'ik kau fa ok UISNENO In to, natuin au ka upeni fa sanut mofut.”

⁴UISNENO nakua In a'an neu sin nak, “Kalu hi mimnau Neno Snasat, kalu hi mi'ki neu fef bela ma hi mo'e sa' le anhalin Au nekak,

⁵onane te hi kanam of Au umnau ani sin anbi Au Ume ma anbi Au nonot. Nane naleko nesi na'ko anmui anah-anah anmone mau au feto. Hi of Au fe kanaf le of kan nikan nani fa.”

⁶UISNENO nakua In a'an neu atoni anao amnemat le maso'ik antam UISNENO In nonot, le sin nek namnau UISNENO ma naluli nabes neu In, le naliatas Neno Snasat ma na'ki neu In fef bela,

⁷“Of Au ok ki atnao neu Sion, neu tubu knino, ma Au fe neu ki amlilat anbi Au ume luli besa. Fua tulu le hi mitulu anbi Au baki tulu of Au simo ani. Au ume of antek nak ume onen totis neu uf-uf.”

⁸UISNENO Anesit Afinit nakua In a'an onle i le neki nafani Israel na'ko bale polin nak, “Of Au eki atoni bian he nabua nok sin le sin nabua nalalien.”

⁹UISNENO anlelu uf-uf bian nem na'ko lo on mu'it abulalut he neku nale'un In to.

¹⁰UISNENO nakua In a'an nak, “Atukus-atukus le natuku Au to sin le nane atoni-atoni matfolo! Sin ka nahin fa sa'-sa'. Sin onle asu amonot le ka nako'on nahine fa, al antup ma nunmai. Sin anmalin le'uf kalu sin antup.

¹¹Sin onle asu apalu le ka namsen nahin fa. Atukus-atukus nane sin ka nahin fa sa'-sa'. Es-es anmo'e kun natuin in lomin ma nami mnisat neu in aon kun.

¹²Amafut-amafut nane nak, ‘Aim he hit tinu tua mina mtasa ma tinu talan te hit atmafu lek-leko! Natuin neno noka of naleko nesi na'ko neno i!’ ”