Read Uab Meto YESAYA 64 Bible Online

YESAYA 64 - Uab Meto bible

YESAYA 64

¹Koi UISNENO, so Hom pisu obet neno tnanan ma amsanu amu nai, ma anmo'e nuaf-nuaf sin antainunu anbi Ho humam,

²on ai le notu nani hau hopit sin ma anmo'e ale oe na'lot ma nanua. Mulile ma muton Ho kuasat nai neu Ho musu-musu sin, talan te uf-uf anlilitai anbi Ho humam.

³Afi Hom tao ma mo'e taos mo'et maskeke, le hai kam nikan mani fa. So Hom sanu amu nai, ale nuaf-nuaf sin of sin antainunu anbi Ho humam ma Ho matam.

⁴Es fe kan nen nit fa fe, ma es fe ka nit fa fe al Ho mes kum, katit fa uisneno teta le anhake, hen tuntaku sin le napane ma nafnek neune.

⁵Hom simo sin le anmo'e lasi amneot ma le anlomi natuin Ho plenat. Ho muto'an kai, mes hai mo'e sanat piut fun namneo na'ko ahun-hunut hai misanab.

⁶Hai al-al kai atoni amle'ut, ma ale hai taos hai mo'et alekot amsa le'uf ma lahi kun. Hai of mimneku natuin ale hai taos hai mo'et amle'ut on hau no' anmaknene le anin anfu neki.

⁷Kait fa esle' in onen toti neu Ko, ai antoti tuntakus neu Ko. Natuin Ho mutolo' Ho humam na'ko kai, ma mufetin kai he sanat-sanat sin nale'un kai.

⁸Mes Ho, koi UISNENO, hai Ama es Ko, hai amfani nai tepas, ma Ho es ampakae kai; Ho himan in mepu in fuan es hai al kai.

⁹Koi UISNENO, es nane te kais muto'an kai bainesi, kais Ho mumnai hai sanat sin piut-piut anteni.

¹⁰Ho kot-kot aknino anfani onle mnela snaen, Yerusalem anfani on pah hufui tena maten.

¹¹Ume Uisneno knino ma apinat amasat bale hai amaf sin anpules ma naliatas Ko, ai notu nale'un nalalien; ale bale le hai amlomi anfani afu tutnae.

¹²Koi UISNENO Ho mit ale lasi nane, nansa' Ho mutena mubalah? Ait Ho mufetin kai, hen hamu'i kai nae le'uf ka?