Read Uab Meto IMAMAT 14 Bible Online

IMAMAT 14 - Uab Meto bible

IMAMAT 14

²lekat lulut i antom luli besa naknino'on leka naleko na'ko men poko amle'ut. Anbi neno atoni nane he nalile ma naton neune nak in naknino mes neki in neu Ana' fuat knino,

³ma Ana' fuat knino neki in anpoi na'ko um-ume. Kalu natuin Ana' fuat knino in antae nalali nak

⁴atoni nane in naleko, Ana' fuat knino anlenu in neki kolo leko nua le fe anmoni, nok hau aijo tuka mese, tani me' nono mese ma akmeo tlaef mese.

⁵Kolo mese mes anlolo anbi tasu nain le nahenu nok oi knino na'ko oi mata.

⁶Kolo mese anteni nok hau aijo, tani me' ma akmeo tlaef mese anlep nani neu kolo in na' le anlolo nalali.

⁷Ana' fuat knino anpisil kolo nane in na' hae hitu neu atoni le naleko nalali, ma le naton neune nak in naknino. Oke te kolo le fe anmoni nane mes nafetin neu mnela.

⁸Namuni te atoni nane mes anfase in blua pake, an eu in nakfunu ok-oke, ma naniu. Nok nane te in naknino, ma nabe'i antam anbi in um-ume nanan, mes anbi neno hitu in a'lon anteni in ka nabe'i fa hen tam neu in um-ume nanan.

⁹Anbi neno hitu namsopu te in mes hen eu in nakfufu ok-oke, in konon amsa, in matan funu ma funuf ok-oke le anbi in aon. Oke te in mes anfase in blua pake ma naniu. Oke onane te in naknino kun.

¹⁰Anbi neno fanu namsopu te atoni nane mes he neki kase keso ana' nua ma bibi kase opu mese le fe ton mese, le es-es kan mu'i fa in amle'un. Nesi na'ko nane amsa ut kilo tenu le anselo nalali nok mina bub fua mina botil batis mese.

¹¹Oke te Ana' fuat knino mes neki in nok tulu tnatas neu Um-ume UISNENO in eno matan.

¹²Ana' fuat knino mes naiti bibi kase keso ana' nua ma mina bub fua mina botil batis nane neu fua tulu seka lukit, ma natulu nani on tulu tnatas etus tonas neu UISNENO.

¹³Bibi kase ana' nane mes anlolo nani anbi bale le nateta nani hen lolo mu'it neu fua tulu sako sanat ma fua tulu mnotu. Bibi kase nane mes anlolo anbi bale nane natuin fua tulu seka lukit ma fua tulu sako sanat nane knino le'uf kun ma anfani pa' ma nama' Ana' fuat knino.

¹⁴Ana' fuat knino mes naiti nan na' akle'o na'ko na' bibi kase ana' nane oke te anosen neu atoni nane in luken non a'ne'u abit apinan, neu in kalulun anaet niman a'ne'u ma neu in kalulun anaet haen a'ne'u atoni le of naton neune nak in naknino.

¹⁵Namuni te Ana' fuat knino naiti nan mina bub fua mina akle'o ma antesi neu in niman a'li in nanan.

¹⁶Oke te in anlep in kalulun niman a'ne'u neu mina nane in nanan, ma anpisil hae hitu anbi Um-ume UISNENO in nanan.

¹⁷Oke te mina akle'o le anbi in niman mes anosen anbi bale-bale le anosen nalali na', esle' anbi in luken a'ne'u, ma kalulun anaet haen a'ne'u atoni le of naton neune nak in naknino.

¹⁸Mina le anesi nane mes an op nani neu atoni nane in anakan. Nok nane te Ana' fuat knino anmo'e luli besa neu naknino atoni nane anbi UISNENO In human In matan.

¹⁹Namuni te Ana' fuat knino mes natulu ma natnat fua tulu sako sanat he nati' atoni le nale'u nane naknino anfani. Oke te in mes anlolo mu'it neu fua tulu mnotu,

²⁰ma natulu natnat nok fua tulu mnahat anbi baki tulu fafon. Nok nane te Ana' fuat knino anmo'e nalali luli besa neu naknino atoni nane, ma in naknino anfani.

²¹Kalu atoni nane atoni amamu'it ma kan mu'i fa sa'-sa', onane te fua tulu seka lukit in al nabe'i neki bibi kase keso ana' mese neu tulu tnatas etus tonas neu UISNENO. Nesi na'ko nane ut kilo mese anselo nok mina bub fua mina neu fua tulu mnahat, ma mina bub fua mina botil bait ses.

²²In amsa mes neki kol ot kase ana' nua ai kol ot ana': es neu fua tulu sako sanat ma es anteni neu fua tulu mnotu.

²³Ale tulu tnatas nane in mes neki sin neu Ana' fuat knino anbi Um-ume UISNENO eno matan anbi neno fanu luli besa naknino in aon.

²⁴Ana' fuat knino mes naiti bibi kase ana' ma mina bub fua mina nane ma natulu natnat nani on tulu tnatas etus tonas neu UISNENO, ma nane neu pa' ma nama' Ana' fuat knino.

²⁵Oke te Ana' fuat knino mes anlolo bibi kase keso nane ma anosen na' akle'o neu atoni nane in luken non a'ne'u, anbi in kalulun anaet niman a'ne'u ma in kalulun anaet haen a'ne'u atoni le of naton neune nak in naknino.

²⁶Ana' fuat knino mes an op mina akle'o neu in niman a'li in nanan,

²⁷ma nok in kalulun niman a'ne'u anpisil mina nane hae hitu anbi Um-ume UISNENO in matan.

²⁸Oke te mina akle'o le anbi in niman mes anosen neu bale-bale le anosen nalali na', esle' anbi atoni nane in luken non a'ne'u, anbi in kalulun anaet niman a'ne'u ma in kalulun anaet haen a'ne'u atoni le of naton neune nak in naknino.

²⁹Mina anesit nane mes an op nani neu atoni nane in anakan neu luli besa knino in aon anbi UISNENO In human In matan.

³⁰Namuni te Ana' fuat knino mes natulu natnat kol ot kase ana' mese ai kol ot ana'

³¹neu fua tulu sanat, ma es anteni neu fua tulu mnotu nok fua tulu mnahat. Nok nane te Ana' fuat knino anmo'e luli besa neu naknino atoni nane anbi UISNENO In human In matan.

³²Nane lekat lulut luli besa neu naknino atoni le fe naleko na'ko men poko amle'ut neu atoni le kan mu'i fa sa'-sa'.

³³UISNENO anfe neu Nai Musa ma Nai Harun

³⁴lekat lulut neu ume hun le an lapu ma anfenus. Lekat lulut le i nanaobon leka nonot Israel antam nalali neu Kanaan, pah le UISNENO anfe nani neu sin.

³⁵Sekau napeni anbi in ume nanan neu in ume hun an lapu in mes naton lasi nane neu Ana' fuat knino.

³⁶Leka Ana' fuat knino fe ka nem fa hen tae ume nane neu hun an lapu, in mes anfe plenat he nati' napoitan ale sa'-sa' na'ko ume nanan. Kalu kahaf ale sa'-sa' anbi ume nane in nanan anfani amle'ut.

³⁷Oke te Ana' fuat knino mes nem hen tae amle'ut nane. Kalu anmu'i akbuaf masan mate ai masan me' amtasa onle antam neu baki lape in nanan,

³⁸oke Ana' fuat knino nao nasaitan ume nane ma nafetin in ma'letu nan neno hitu in a'lon.

³⁹Anbi neno hitu namsopu te in mes anfani nem ma antae anteni. Kalu hunat nane anfenus,

⁴⁰in mes anfe plenat fatu-fatu baki lape le antoman hunat nane anpukai nani ma ale baki lape anbi nanan anfon sin. Luluef le anfon na'ko baki lape ma fatu-fatu nane mes anpolin nani sin neu bale amle'ut mese anbi kot kotin.

⁴¹

⁴²Oke te fatu-fatu le anpolin sin le nane mes anseka sin neki fatu-fatu fe'u. Ale baki lape ume nane mes anlape nani neki lulef fe'u.

⁴³Kalu le hunat nane anpoi anteni mes fatu-fatu ume nane anseka nalali sin ma in baki lape anfon nalali ma anlape nafani,

⁴⁴namuni Ana' fuat knino mes anfani nem ma antae ume nane anteni. Kalu amle'ut nane in anfenus onane te ume nane namneo in amle'ut kun,

⁴⁵ma mes anpukai nani. Ale fatu ma nau ma ale lape lulef ume nane mes neki anao neu bale amle'ut anbi kot in kotin.

⁴⁶Nahunu na'ko nane sekau am sekau le antam anbi ume nane in nanan anfani amle'ut talante neno antes.

⁴⁷Sekau antup ai nah anbi ume nane mes anfase in blua pake.

⁴⁸Mes kalu Ana' fuat knino in nem ma natuin in antae hunat nane kan poi anteni fa leka ume nane anlape nafani nalali neki lape lulef, in naton neu ume nane naknino, natuin amle'ut nane namneku nalali ok-oke.

⁴⁹Neu he naknino ume nane, Ana' fuat knino mes naiti nan kolo nua, hau aijo, tani me' ma akmeo tlaef mese.

⁵⁰Kolo mese mes anlolo anbi tasu le nok oe aknino na'ko oe mata.

⁵¹Oke te hau aijo, tani me', akmeo ma kolo le fe anmoni mes anlep nani neu na' kolo le anlolo nalali ma neu oe aknino in nanan. Oke te anpisil neu ume nane hae hitu.

⁵²Kolo le fe anmoni nane mes nafetin nani anbi mnela anbi kot in kotin. Nok nane te Ana' fuat knino anmo'e nalali luli besa naknino ume, ma ume nane naknino anfani.

⁵³

⁵⁴Nane lekat lulut antom men poko amle'ut,

⁵⁵neu akbuaf-akbuaf, ai hune ai akbuaf-akbuaf muti ai fu'un anbi aon ma lapu ma hunat anbi blua pake ai ume.

⁵⁶Lekat lulut nane in otan neu he nafek neu sa' es nane knino ai amle'ut.