Read Uab Meto IMAMAT 15 Bible Online

IMAMAT 15 - Uab Meto bible

IMAMAT 15

¹UISNENO anfe neu Nai Musa ma Nai Harun lekat lulut i

²neu nonot Israel. Leka atoni mese in a honin napoitan oe ai oe ansai natuin in a honin namen, oe nane amle'ut kun,

³leko le anpoi ai le kan poi fa.

⁴Bale le atoni nane in antoko anbine ai antup anbine bale nane amle'ut kun.

⁵Sekau le an onon ai anle'o atoni nane ai in bale tupa, ai antoko anbi bale le atoni nane antoko anbine, ai le atoni nane nalono ai nakinu, mes anfase in blua pake ma naniu, ma in antam amle'ut talante neno antes.

⁹A'peni bikase ai sa' esle' atoni amenat nane antoko anbine anfani amle'ut.

¹⁰Sekau le an onon ai anle'o sa' esle' atoni nane antoko anbine, anfani amle'ut talante neno antes. Sekau le naiti blua nane mes anfases in blua pake ma naniu, ma in antam amle'ut, talante neno antes.

¹¹Leka atoni amenat nane in fe ka nafanu fa in niman oke te in anle'o atoni bian, atoni le anle'o nane mes anfase in blua pake ma naniu, ma in antam amle'ut talante neno antes.

¹²Tasu nain le atoni nane anle'o mes nape' nani ma blua le in anle'o mes hen fase nani.

¹³Leka atoni nane naleko, in mes anpao fe neno hitu anteni. Oke onane te in mes anfase in blua pake ma naniu anbi oe mata, nok nane te in naknino.

¹⁴Anbi neno fanu te in mes neki kol ot kase ana' nua ma kol ot ana' anbi Um-ume UISNENO eno matan oke te nana'at nani sin neu Ana' fuat knino.

¹⁵Ana' fuat knino mes natulu natnat kolo mese neu fua tulu sako sanat, ma es anteni neu fua tulu mnotu. Nok nane te Ana' fuat knino anmo'e lasi luli besa naknino atoni nane anbi UISNENO In human ma In matan.

¹⁶Leka atoni mese napoitan oe monif, in mes naniu mes in amle'ut nabala talante neno antes.

¹⁷Blua sa' na'ko lipa ai pasu le antom oe monif nane mes anfase nani; blua nane amle'ut kun talante neno antes.

¹⁸Leka atoni ma bife antup nabua nalali, leko atoni ma bife nane sin mes naniu, mes sin nabala amle'ut talante neno antes.

¹⁹Bife mese le in funan fe nem, in nalahi ai amle'ut kun nan neno hitu in a'lon. Sekau le anle'o in atoni nane anfani amle'ut talante neno antes.

²⁰Blua sa' le bife nane antoko anbine ai in antup anbine leka in funan fe nem bale nane anfani amle'ut.

²¹Sekau in anle'o bale le bife nane antup anbine ai antoko anbine le bife nane fe in funan nem, mes anfase in blua pake ma naniu, mes in amle'ut talante neno antes.

²⁴Leka atoni mese in antup nok bife le in funan fe nem, atoni nane anfani amle'ut amsa nan neno hitu in a'lon.

²⁵Leka kalu bife mese in napeni men na' anbi neno fauk-fauk in a'lon ka natuin fa in funan, ai in men na' nane ka nasnas fa leka in men funan nem nalali, in amle'ut kun leka men na' nane ka nasnas fa onle anbi tabu in funan fe nem.

²⁶Bale le in antup anbine ai in antoko anbine anfani amle'ut leka in fe anfani amle'ut.

²⁷Sekau anle'o bale nane in amsa amle'ut kun. In mes anfase in blua pake ma naniu, ma in amle'ut kun talante neno antes.

²⁸Leka men na' nane nasnas, bife nane mes anpao fe neno hitu in a'lon anteni. Oke onane te in naknino.

²⁹Anbi neno fanu te in mes neki kol ot kase ana' nua ai kol ot ana' nua neu Ana' fuat knino anbi eno matan Um-ume UISNENO.

³⁰Kolo mese mes natulu natnat neu fua tulu sako sanat, ma es anteni neu fua tulu mnotu. Nok nane te Ana' fuat knino anmo'e luli besa neu naknino bife nane anbi UISNENO In human In matan.

³¹UISNENO anlenu Nai Musa namnauba nonot Israel he nati' anpanat leka sin antam amle'ut ma leka sin kan tam fa amle'ut, he nati' sin kais nale'un Um-ume UISNENO le anbi um-ume atnanan. Kalu sin nale'un Um-ume nane, sin of anmate.

³²Onle nane lekat lulut neu atoni le napoitan oe ai oe ansai natuin menas anbi honin ai napoitan oe monif,

³³ma neu bife le in funan fe nem, ma neu atoni le antup nok bife le in funan fe nem.