Read Uab Meto YEREMIA 12 Bible Online

YEREMIA 12 - Uab Meto bible

YEREMIA 12

¹Kalu au utiaba au lasi anbi Ho humam, koi UISNENO, of natonon nak Ho es amneot Ko. Mes Au lomi amsa he utoti neu Ko antom lasi amneot: Nansa' atoni amle'ut anmoni nok alekot? Nansa' atoni ka amneot sin es nis?

²Hom senan sin on hau sena, oke te sin a'ba'an, anmoni ma nafua. Sin na'uab lasi-lasi alekot piut neu Ko, mes anbi sin nekan nanan namneo-namneo sin kan sian Ko fa.

³Mes Ho, koi UISNENO, au uhin Ko. Ho mit sa' le au mo'e, ma Ho muhin au tenab anbi au nekak onme neu Ko. Ampo' mupoitan atoni-atoni amle'ut nane anpoi, meki sin anao onle bibi kase neu bale lolot. Ampanat sin talan te tabu hen lolo sin.

⁴Talan te leka anteni ka pah i in anmate, ma in hun anmaknene anbi ale lene? Kolo ma mu'it bian anmate, natuin lasi amle'ut na'ko hai nonot. Sin na'uab nak, “Of au ka it fa sin monin.”

⁵UISNENO nakua In a'an nak, “Yeremia, kalu hom hae natuin hom tam fotin mok atoni, onme ka ho hem tam fotin mok bikase? Kalu anbi pah tainine ho mumtau, of ho he mo'e sa' ka leka hom tam ambi nasi Noe Yordan in ninen?

⁶Sin an aneb nalali ko na'ko ho in-ini sin ho olif tataf sin; sin nok ma anlaban ko. Kalu ho mupane ma mufnek neu sin, maski sin uab molok nane meunana.”

⁷UISNENO nakua In a'an nak, “Au bale le Au umaika a'bine Au ka sian a teni fa, pah le anfani Au bale Au usaitan ulali, ma Au to le Au nek ani Au una'at ulali sin neu musu sin niman.

⁸Au to le Au beti ani sin anlaban Kau; onle meo asu anbi nasi nanan onane sin ankonono neu Kau. Es nane te Au uto'an sin.

⁹Sin onle kolo le kol teme hen heke sin na'ko ale bale. Amboin ale mu'i fui anbi nasi nanan he sin amsa nem he nalali nain sin ok-oke.

¹⁰Ana' aplenat anao amnemat namfau le nale'un Au lene tua min kase ma anteli ale lene meto sin. Au pah amasat sin nabaina ma anfani mnela hufui le tena maten.

¹¹Namneo, Au it sin anmo'e Au pah anfani tena maten le nasusbon. Mapolin ok-oke, katit fa es hen kiso sin.

¹²Na'ko mnela hufui aonbian anbi tubu tunan, atoni-atoni sin nem he nasik. Au fe makenat he nati' nale'un pah ok-oke talan te kait fa atoni mese amsa hen moni anbi halan.

¹³Au to ankaki ane kase, mes in anabul kasunat ma katila. Sin nasusbon anhae anmate mes sin haet nane son-sona. Au uto'an sin anae le'uf talan te sin abul nane luman.”

¹⁴UISNENO nakua In a'an nak, “Le i Au han ba'an antom uf-uf le natnoe nok Israel le nale'un nalali pah le Au fe ulali neu Au to Israel. Onle mana' ma luat le Au bok nani na'ko nain, onane amsa atoni-atoni amle'ut nane of Au upoitan sin na'ko pah mese-mese, ma of Au ufetin Yehuda na'ko sin niman nanan.

¹⁵Mes leka Au upoitan ulali sin, of Au nek umnau sin anteni; uf mese-mese of Au eki ufani sin neu sin pah.

¹⁶Kalu sin nok sin nekan ok-oke ansimo Au to sin lasi luli besa ma anlomi hen sup neki uab nak, ‘Anbi UISNENO amonit,’ — onle afi ahunut sin nanoina Au to hen sup anbi Baal — of sin amsa antam Au to ma napeni alekot.

¹⁷Mes uf le kan lomi fa he natuin Kau, of Au bok ani sin on mana' ma luat ma Au ule'un ani sin. Au, UISNENO Kau, Au ukua ulali Au a'ak.”