Read Uab Meto YEREMIA 24 Bible Online

YEREMIA 24 - Uab Meto bible

YEREMIA 24

¹Anbi tabu mese leka Nai Yoyakhin Nai Yoyakim anmone Kesel Yehuda no kale in ana' aplenat Yehuda, ale apakaet ma ale ameput mahine fun natuin Nebukadnezar kesel Babel, neki ma anao on atoni le nasik nan sin anbi makenat na'ko Yerusalem anao neu Babel, UISNENO anfe neu kau mnitas mese. Au it poni nua le nahenu nok bub fua mina namteke anbi eno Ume UISNENO.

²Poni ahunut nane nahenu nok bub fua mina fuan alekot ok-oke, onle bub fua mina fuan ahunut, ma poni amunit nane nahenu nok bub fua mina fuan amle'ut ok-oke, talan te ka nabe'i fa het bukae tani.

³Oke te UISNENO nak neu kau nak, “Yeremia, ho mit sa' ka?” Au utae ak, “Bub fua mina in fuan, koi UISNENO. Le alek-lekot lo leok le'uf, ma le apun-punut lo anpunu nae le'uf talan te ka nabe'i fa het bukae tani.”

⁴Fun UISNENO nakua In a'an anteni nak,

⁵“Atoni-atoni le Au ufetin sin ma neki sin anao neu Babel nane Au kiso sin on bub fua mina fuan alek-lekot i; es nane te Au, UISNENO, atoni Israel, of Au tao ma mo'e sin nok alekot.

⁶Of Au panat ma pao sin ma eki sin anfani nem neu pah i. Of Au ufena sin ma ka ule'un fa sin; of Au senan sin ma ka bok fa sin.

⁷Of Au fe neu sin sinmakat he nahin nak Au UISNENO Kau. Ma sin of anfani Au to, ma Au fani sin Uisneno, natuin sin anfani nem neu Kau nok sin nekan ok-oke.

⁸Mes Nai Zedekia Kesel Yehuda nok ale in ana' aplenat sin le anhaumak nok in, ma atoni Yerusalem le al sin fauk le nabalah piut anbi pah i ai natnani neu Mesir, sin al sin ok-oke of Au mo'e sin on ale bub fua mina apunut i, le ka nabe'i fa het bukae sin. Au, UISNENO Kau, ukua ulali Au a'ak.

⁹Of Au ule'un sin onane talan te ale uf anbi pah pinan ok-oke anfani namtau. Anbi bale me ma Au una'at sin, of nasi'u sin, nabaina sin anfani bale le anmanis sin, ma naakan sin. Sin kankenu of anpake sin anfani sukat.

¹⁰Of Au fe nem neu sin lasi makenat, amnahas, ma menas a'naek talan te sin anmate ok-oke ma katit fa esle' he nabalah anbi pah le i le Au fe ani neu sin ma neu sin amfenu.