Read Uab Meto YEREMIA 27 Bible Online

YEREMIA 27 - Uab Meto bible

YEREMIA 27

¹Ka lo fa namuni na'ko Nai Zedekia Nai Yosia anmone anfani Kesel Yehuda, UISNENO anlelu kau

²au mo'e tani na'ko pasu ma nepat na'ko hau, ma usae anbi au hanuk.

³In amsa anlelu kau utiaba In a'an neu kesel Edom, Moab, Amon, Tirus ma Sidon, nao nok ale sin haef le ansonu sin nem neu Yerusalem he natef nok Kesel Nai Zedekia.

⁴Au mes he uton neu sin ak UISNENO Akuasat Afinit, atoni Israel sin Uisneno, nakua In a'an nak,

⁵“Nok Au kuasat le a'naek ma nok Au be'ik Au tao ma mo'e ulali pah pinan ma atoni pah pinan ma ale mu'it, ma nabe'i Au fe neu sekau le Au lomi.

⁶Au es una'at ulali nonot le i neu kuasat na'ko Au ate, Nebukadnezar, kesel Babel. Ale mu'it amsa Au es una'at ulali neu in he in naplenat sin.

⁷Ale uf of an aetnon neu in, neu in anmone, ma neu in upuf talan te neno pah nane anbel kun. Anbi neno nane uf Babel of aetnon neu uf-uf abe'it ma kesel-kesel amaet.

⁸Uf ai plenat le kan lomi fa he nausi neu Nebukadnezar of Au kas sin eki makenat, amnahas, ma menas anaek, talan te namuni te uf nane nausi in.

⁹Kais amnen ale Mafefa knino ai sekau amsa le nakain ki miusi neu kesel Babel, maski sin nak sin ansimo nalali fainekat na'ko nanait, na'ko sman nitu, ai natuin apake be'it matani amle'ut.

¹⁰Sin anfuli ma anpolin ki talan te sin neki ki mi'lo mi'ko hi pah. Of Au li'u ki na'ko hi kuan ma hi of mimle'u.

¹¹Mes uf le anlomi he nausi me anlomi hen aetnon neu kesel Babel of Au ufetin sin natua nabalah anbi sin pah ma anmepu lene anbi nane. Au, UISNENO Kau, ukua ulali Au a'ak.”

¹²Neu Nai Zedekia Kesel Yehuda, au, Nai Yeremia, au utiaba lasi le papmese amsa. Au ak, “Muna'tom nai neu kesel Babel. Mutuin in nai ma in nonot he nati' Usi mupeni aomina.

¹³UISNENO nakua nalali In a'an nak uf le ka nausi fa neu kesel Babel of anmate natuin makenat, amnahas, ma menas anaek. Natuin Usi ma ho to him lomi he mate onle nane?

¹⁴Kais amnen ale Mafefa knino le nakain ko Usi he muusi neu kesel Babel, natuin sin namo'e ko Usi.

¹⁵Sin na'uab nak sin na'uab neki UISNENO kanan, mes sin namo'e. UISNENO neknon nakua In a'an nak In kan sonu fa sin. Es nane te In of nasana ma nale'un ko Usi nok ale Mafefa knino le namo'le ko Usi.”

¹⁶Namuni te au uton neu ale Ana' fuat knino ma neu to ok-oke au ak UISNENO nakua In a'an nak on i, “Kais him nen ale Mafefa knino le na'uab nak ka lo fa anteni ale Au bale anbi Au Ume of neki nafani sin nem na'ko Babel. Sin namo'e.

¹⁷Kais him nen sin! Mina'tom nai neu kesel Babel, he nati' hi mipeni aomina. Neu sa' ka kot le i mes he naskuku nani?

¹⁸Kalu namneo sin Mafefa knino, ma ansimo nalali a'an na'ko Kau, sin mes anbi tabu i antoti Kau, UISNENO Akuasat Afinit, he nati' ale bale le fe anbi Au Ume ma anbi sonaf Yerusalem ka naiti neki fa sin neu Babel.

¹⁹Natuin Au, UISNENO Akuasat Afinit, Israel sin Uisneno, Au ufek ulali ak ale bale le nane of naiti neki sin neu Babel, ma of nabalah anbi nane talan te Au kiso sin anteni. Anbi tabu le nane of Au eki ufani sin nem neu bale le i. Au, UISNENO Kau, ukua ulali Au a'ak.” Ale bale le fe nabalah anbi Ume UISNENO nane esle': ale ni, pik molo le maselo nok lite besi muti, ale aklet ma bale bian anteni Ume UISNENO in-ini. Ale bale nane ka neki fa sin nao neu Babel, anbi tabu Nai Yoyakhin le Nai Yoyakim anmone Kesel Yehuda nok ale atomatas-atomatas to Yehuda ma Yerusalem kesel Nai Nebukadnezar neki sin nao neu Babel.