Read Uab Meto YEREMIA 35 Bible Online

YEREMIA 35 - Uab Meto bible

YEREMIA 35

¹Leka Nai Yoyakim Nai Yosia anmone anfani Kesel Yehuda, UISNENO nakua In a'an neu kau nak,

²“Amnao nai mu'uab mok atoni-atoni nonot Rekhab. Meki sin neu ke'an mese anbi Au Ume, mubalab tua mina mtasa neu sin.”

³Oke te au nao ma hone nonot Rekhab ok-oke esle': Nai Yaazanya (anah na'ko atoni mese kanan Nai Yeremia Nai Habazinya anmone) nok in biaf in benuf sin ma in anmone sin.

⁴Au eki sin neu Ume UISNENO anbi ke'an asium lasiMafefa knino Nai Hanan Nai Yigdalya anmone. Ke'an nane anbi ke'an fafon Ana' fuat knino Nai Maaseya Nai Salum anmone, anhaumak ke'an ameput-ameput bian. Nai Maaseya ameput amnanut le anpanat eno-eno naek anbi Ume UISNENO.

⁵Nalali te au uteke klas mninut mahae le nahenu nok tua mina mtasa ma ale klas bian anteni anbi atoni-atoni Rekhab nane sin human sin matan. Oke te au a'ak neu sin nak, “Minu nai.”

⁶Mes sin natae nak, “Hai ka minu fa tua mina mtasa. Hai amaf sin Nai Yonadab Nai Rekhab anmone nakain kai ma hai sufam sin he nati kais hai minu tua mina mtasa. Lasi kain nane nanaobon talan te nabal-bal.

⁷Hai ka nabe'i fa hem sen luat, am ka nabe'i fa amsa he hai amfai ai amu'i lene tua min kase. Anbi hai monim, hai amsa ka nabe'i fa he mihakeb ume. Hai mes he mitua anbi um-ume, he nati hai mibalah anbi pah le i on atoni anao amnemat.

⁸Ale lasi le Nai Yonadab naplenat neu kai hai mituin milali. Anbi hai monim, hai mok hai anah sin ma hai fenai sin hai ka minu fa tua mina mtasa.

⁹Hai ka mihakeb fa ume anfani bale he hai mitua, mes hai mitua anbi um-ume. Hai amsa ka mu'i fa lene tua min kase, lene ai fini ane kase he hai amsen. Namneo, ale sa' le hai amuf Nai Yonadab naplenat neu kai nane, hai mituin mani ok-oke.

¹¹Mes leka Kesel Nai Nebukadnezar nape' pah i, hai mifek he maen mi'ko solalus Babel, ma solalus Siria, ma hai mitnani neu Yerusalem. Es nane te muni i hai mitua ambi i.”

¹²Oke te UISNENO Akuasat Afinit, Uisneno Israel, anlelu kau ma au nao neu atoni Yehuda ma Yerusalem, ma au utiaba neu sin han ba'an UISNENO i nak, “Au, UISNENO Kau, Au utoti ki nansa' hi kam lomi fa hem nen Kau, ma kam lomi fa he mituin ale Au plenat sin.

¹⁴Nai Yonadab nakain in sufan sin he kais ninu tua mina mtasa, ma sin natuin lasi talas nane. Talan te neno i katit fa es amsa na'ko sin he ninu tua mina mtasa. Mes Au umolok neu ki piut-piut, ma hi kam lomi fa hem nen.

¹⁵Au sonu neu ki piut-piut ale Au ate Mafefa knino sin, ma sin anfainek nalali ki he mileko hi taos hi mo'et ma misnas mi'ko lasi amle'ut. Sin namnauba ki he kais miluli mibes neu uisneno teta ma miusi neu sin, he nati hi mitua mibalah anbi pah le i le Au fe ulali neu ki ma neu hi amaf sin. Mes hi kam lomi fa hem simo ma kam lomi fa hem nen Kau.

¹⁶Nai Yonadab in sufan sin natuin plenat na'ko sin amuf, mes hi kam lomi fa he mituin Kau.

¹⁷Es nane te, Au UISNENO, Akuasat Afinit, Uisneno Israel, of Au fe nem neu ki — atoni Yehuda ma Yerusalem — ale amle'ut le Au lek ulali neu ki, esle' Au uton ulali. Lasi nane Au moe ani natuin hi kam lomi fa he nen leka Au umolok neu ki, ma hi kam lomi fa he mitae, leka Au boin ki.”

¹⁸Oke te au umolok neu atoni-atoni nonot Nai Rekhab ak UISNENO Akuasat Afinit, Uisneno Israel, nakua In a'an nak on i, “Hi mituin milali neu hi am-uf Nai Yonadab; in aplenat sin ok-oke hi mituin milali ma hi minaoba.

¹⁹Es nane te, Au, UISNENO Akuasat Afinit, Uisneno Israel, Au manta'en ak na'ko Nai Yonadab Nai Rekhab in sufan of anmu'i atoni piut le hen tuthae Kau.”