Read Uab Meto YEREMIA 38 Bible Online

YEREMIA 38 - Uab Meto bible

YEREMIA 38

¹UISNENO anlelu kau he utiaba In han ba'an i neu to ak, “Kot i of Au fe ani neu solalus Babel, ma of sin nis ma anbe'u nani. Sekau natua anbi kot nanan of sin anmate anbi makenat, ai natuin amnahas ai natuin menas a'naek. Mes sekau anpoi ma nana'at in aon neu atoni Babel, of ka namate fa in; in of napeni aomina.” Nai Sefaca Nai Matan anmone, Nai Gedalya Nai Pasyhur anmone, Nai Yukhal Nai Selemya anmone ma Nai Pasyhur Nai Malkia anmone sin nen ale sa' le Au u'uab nane.

⁴Ale ana' aplenat sin anao neu kesel ma sin nak, “Atoni i mes he tamate tani. Natuin nok in uab onle nane in naoleb solalus sin nekan ma atoni bian le fe sin natua anbi kot i. In kan bab fa to, mes in nale'un sin.”

⁵Kesel Nai Zedekia natae nak, “Leko! Mo'e in nai natuin ho lomim, au of ka ukain ki fa.”

⁶Oke te sin naiti kau ma sin nasanut kau neki tani neu oe hani in nanan Nai Malkia kesel anmone ini, le anbi po'an kesel sonaf. Kan mu'i fa oe anbi oe hani nane in nanan, al ahoma, ma au tam anbi homa nane in nanan.

⁷Anbi tabu nane anmu'i atoni Sudan mese anmepu anbi kesel in sonaf. In kanan Nai Ebed-Melekh. In nen neu natam nalali kau neu oe hani nane in nanan. Leka kesel in fe ana' buat anbi Eno Naek Nai Benyamin,

⁸Nai Ebed-Melekh in anao neu bale nane ma in nak neu kesel nak,

⁹“Usi Apinat, taos mo'et atoni-atoni nane ka naleko fa. Sin natam nalali Mafefa Knino Nai Yeremia neu oe hani in nanan; in of anmaten amnahas anbi nane, natuin mnahat katit fa anbi kot anteni.”

¹⁰Oke te kesel anfe plenat neu Nai Ebed-Melekh nak, “Meki atoni tenu ma mipoitan Nai Yeremia na'ko oe hani nane in nanan nahunu na'ko in fe kan mate fa.”

¹¹Nai Ebed-Melekh in nok atoni tenu en nane sin anao neu kesel in ume maus ma sin naiti pilu-pilu kloef na'ko nane, oke te sin nasanut neki tani neu kau anbi oe hani nane in nanan.

¹²Nai Ebed-Melekh in anlelu kau he au tao pilu-pilu nane neu au sninik anfani on penit, he nati' tani nane kais namenab kau. Au utuin plenat Nai Ebed-Melekh.

¹³Oke te sin anhel kau sae eu fafon, poi u'ko oe hani nane. Oke te sin an ek kau anbi po'an kesel sonaf.

¹⁴Anbi tabu mese anteni, Kesel Nai Zedekia anlelu atoni neki kau utef ok in anbi Eno Naek pa' tenu anbi Ume UISNENO. In nak neu kau nak, “Au lomi he utoti ko, ma ho mes mutae kau nok muti monas. Kais mutolo' sa'-sa' es.”

¹⁵Au utae ak, “Kalu au uton lasi amneot, mes Usi ho mumate kau; ma kalu au fe fainekat, of Usi ho kam lomi fa he mutuin fainekat nane.”

¹⁶Kesel Nai Zedekia nok a tolo'-tolo' anamanba'an nok kau nak, “Nok Uisneno amonit, Uisneno le anfe honis neu kit, au sup ak of au ka umate ko fa ai ka una'at ko fa neu atoni-atoni le anlomi he namate ko.”

¹⁷Oke te au utonan Nai Zedekia nak UISNENO Akuasat Afinit, Uisneno atoni Israel le sin naluli ma nebas neune nak on i, “Kalu ho muna'tom neu ana' aplenat kesel Babel, of ka namate ko fa, ma kot i amsa of ka notu nani fa. Ho ma ho ume nanan sin of hi mipeni aomina.

¹⁸Mes kalu ho kam lomi fa he muna'tom, kot i of anmofu neu atoni Babel sin niman nanan. Sin of notu nani ok-oke, ma of ho ka mufetnom fa.”

¹⁹Kesel natae nak, “Au umtausan atoni-atoni na'ko hit nonot le sin naen neu atoni Babel. Kais-kaisa of nana'at kau neu sin ma sin anhamu'i kau.”

²⁰Au utae ak, “Kahaf.” “Of sin ka nana'at ko fa Usi neu sin. Au toti ko nok matani he nati' ho mutuin a'an UISNENO; of ale lasi ok-oke leko, ma of ka namate ko fa.

²¹Mes leka ho ka muna'at fa ho aom, UISNENO nalile nalali neu kau sa' le of anbol.

²²Anbi lasi mnitas nane au it le fe nabalah anbi sonaf Yehuda anpo'o napoitan sin neu ale ana' aplenat kesel Babel. Sin anao nok te sin nak, ‘Kesel in sob leko sin, nalosip nalali in, ma sin naplenat in. Tabu i, leka in haen antam anbi homa nanan, sin al-al sin anhelonkun.’ ”

²³Au ak ateni ak, “Ale ho anah ma ho fenai sin of neki sin neu atoni Babel. Ma ho amsa of ho ka mufetnom fa mu'ko sin. Kesel Babel of anheke ko, ma kot i of notu nani ok-oke.”

²⁴Oke te Nai Zedekia nak, “Kais mutonan es neu hit uab le i amsa, he nati' ho smanam kais masali.

²⁵Leka ale ana' aplenat sin nen nak au u'uab ok ko, of sin nem ma natoti ko neu hit uab nane. Sin of anmanta'en neu he ka namate ko fa, kalu ho muton ale sa'a nane ok-oke neu sin.

²⁶Al muton neu sin mak hom toti kau he nati' kais au sonu ufani ko neu o'of ma ho mate ambi nane.”

²⁷Ka lo fa onane te ale ana' aplenat nane sin nem ma natoti kau. Au uton neu sin anmatom nok sa' le kesel anfe plenat neu kau. Nok nane te sin ka nabe'i fa hen mo'e sa'-sa' natuin katit fa es amsa he nahin kesel in uab nok kau.

²⁸Sin ek kau piut anbi po'an kesel sonaf talan te neno musu nasik nan Yerusalem.