Read Uab Meto YEREMIA 45 Bible Online

YEREMIA 45 - Uab Meto bible

YEREMIA 45

¹Anbi ton ha leka Nai Yoyakim Nai Yosia anmone naplenat Yehuda, Nai Barukh antui sa' le au uton ani neune.

²Oke te au utiaba neu in a'an UISNENO, atoni Israel sin Uisneno. UISNENO nakua In a'an nak, “Barukh,

³hom sakoi mak on i, ‘Ah, namneo au le i au ua le'uf kau! Au lasi mafena amfau le'uf, ma UISNENO ansato anteni neki susal. Au sakoi hae mate, mes namneo-namneo katit fa tainine!’

⁴Hoi Barukh! Au, UISNENO Kau, Au fe utseleb ani sa' le Au uhakeb ulali, ma Au fe bok sa' le Au senan ulali. Pah pinan ok-oke Au mo'e ani onle nane.

⁵Nansa' hom sinmak he nanaeb ko ka? Kais onane, Barukh! Ale to pah pinan ok-oke Au kas sin eki lasi amle'ut, mes neu ko, nabe'i of ho mupeni aomina. Hom nao meu me amsa, of ho moni piut. Au, UISNENO Kau, ukua ulali Au a'ak.”